注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·17 见贤思齐(栋笃论语·里仁第四)  

2007-09-25 22:23:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】子曰:“见贤思齐焉,见不贤而内自省也。”

  【译文】孔子话:“见到啲好人,就要谂住向佢哋学习,做一个好似佢哋一样嘅人;见到啲衰人,就要自我反省下,谂下自己有冇同佢哋一样嘅地方。”

  【栋笃】犀利嘞呢句说话,又一句《论语》金句吖,而且仲贡献咗“见贤思齐”呢个成语添。
  俗语有话啦,“榜样的力量是无穷的”,两千年前,孔Sir就明白呢个道理嘞。所以佢同啲弟子讲到点样修德嘅时候就噉话:“睇到好人,就要向佢学习;见到坏人,就要反省自己。”
  唔知大家仲记唔记得,喺《麦兜故事》入边,麦太係噉样教育阿麦兜点样“见贤思齐”嘅:“从前有个小朋友,佢好畀心机读书,有一日,佢发咗!”“从前有个小朋友,佢好不孝,有一日,佢屈亲只脚!”“从前有个小朋友佢讲大话,有一日,佢死咗!”简捷、干脆,讲到阿麦兜大汗耷细汗,个心肯定开始“见贤思齐”嘞:“我有冇畀心机读书啊?我孝唔孝顺啊?我有冇讲大话啊?”简直就好似阿曾子一样“吾日三省吾身”添,差啲就由麦兜变成咗“麦子”嘞:)
  同样嘅意思,唐太宗就讲得比麦太“有文化”啲嘞,佢话:“以铜为镜,可以正衣冠;以古为镜,可以知兴替;以人为镜,可以明得失。”呢方面,佢讲得出,亦都係做得几好嘅(相对嚟讲),最出名嘅,就係佢同魏征嘅古仔嘞,个个都知,我就唔使长气噉讲多次嘞。
  孔Sir呢句话,放之四海而皆准,再过多两千年,亦都唔会过时。不过,话时话,现代社会,人心不古,揾食艰难,亦都唔得闲去“古”,只要个心向善去恶,“不因善小而不为,不因恶小而为之”就得嘞。时时要“见贤思齐”,日日要“三省吾身”,边有时间啊!你试下每日打开报纸,百几版啵,睇到好人好事,就谂住点样同佢哋学习;睇到杀人放火,就反省下自己有冇一样嘅行为……大佬,一日净得廿四小时咋啵,除咗食饭瞓觉,就用嚟见贤思齐,仲使做嘢嘅?一早就畀老细炒咗啦。到时就唔好怨阿孔Sir要求超标,係你自己教条主义噉理解佢老人家嘅教训啫。

  评论这张
 
阅读(183)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017