注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·16 君子喻于义,小人喻于利(栋笃论语·里仁第四)  

2007-09-22 22:11:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“君子喻于义,小人喻于利。”

  【译文】孔子话:“君子係深明大义嘎,小人就净係识得利益。”

  【栋笃】君子小人,我哋就听得多嘞。噉究竟咩係君子,咩係小人呢?有人会噉讲:“好简单啫,君子咪就好人,小人咪坏人啰。”噉究竟咩係好人,咩係坏人呢?“嗱,好人就係好人嘞……”大佬啊,畀碗饭食得唔得啊,係咁简单嘅话,使乜我企喺度口花花噉讲啊:)
    其实,成部《论语》入边,孔Sir亦都係冇同“君子”、“小人”直接落一个结论嘎。佢更多嘅係,通过呢两种人喺道德行为方面嘅对比,畀大家一个感性嘅认识。讲到点样定义,就仁者见仁,智者见智嘞。噉《论语》入边,关于君子同埋小人嘅对比,就有十几句,我哋前边学过两句:“君子周而不比,小人比而周”(2·14);“君子怀德,小人怀土;君子怀刑,小人怀惠”(4·11)。后边仲有十句左右,我哋以后先再讲。而今日呢一句,就係最出名、亦係最本质嘎嘞。
    义同利嘅对立,係儒家思想入边一个好重要嘅主题嚟嘎。点样对待呢两样对立嘅嘢,就係区分君子同埋小人嘅标准嘞。孔Sir就噉讲:君子,佢係识得兼且明白义嘎;而小人,就净係知道利益嘅啫。朱熹嘅解释係,“义者,天理之所宜;利者,人情之所欲”。即係话,啱天道嘅,就係义;合人欲嘅,就係利。君子讲话做嘢,处处讲道义;小人成日挂住嘅,净係利益。
    但係,义同利,係咪绝对对立嘅呢?义,係人行天道;利,就应该係天赋人欲。孔Sir都承认,“富与贵,是人之所欲也”,如果係“不以其道得之”,佢先至係“不处也”(4·5);喺“述而第七”嗰篇入边,佢又讲咗,“富而可求也,虽执鞭之士,吾亦为之”;又讲“不义而富且贵,于我如浮云”——睇睇,孔Sir係唔会拒绝“利”嘎,佢拒绝嘅係“不义之利”。佢招生,亦都收学费嘎,只不过,佢唔会似依家啲不义之人噉收咩“择校费”啫。所以,我就觉得,孔Sir呢句话,如果係噉讲,可能会啱啲:“君子舍利取义,小人见利忘义。”
    但係,到咗以程朱为代表嘅宋明理学家,就将义利绝对对立化嘞,讲咩“义利之辩乃人禽之别”,甚至乎要“灭人欲,存天理”添。噉样嘅绝对化,亦都係逆天而行。事实係,嗰啲人前“满嘴仁义道德”嘅道学家,人后所做嘅嘢,好多都係男盗女娼。几百年嚟,道学家,亦就成为咗“伪君子”嘅代名词嘞。睇清佢哋真面目嘅人,亦就有咗“伪君子不如真小人”嘅感慨嘞。  (插图:老饼

  评论这张
 
阅读(436)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017