注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·15 吾道一以贯之(栋笃论语·里仁第四)  

2007-09-20 21:59:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“参乎!吾道一以贯之。”曾子曰:“唯。”子出,门人问曰:“何谓也?”曾子曰:“夫子之道,忠恕而已矣。”

  【译文】孔子话:“阿参仔啊!我嘅思想体系,係有一个主体贯彻始终嘅。”曾参就话:“係。”孔子行咗出去,啲同学仔就问阿曾参话:“佢讲咩啊?”曾参话:“冇咩,老师嘅思想,不外乎忠、恕呢两样嘢啫。”

  【栋笃】话说佛祖有一日喺灵山法会上,突然间只手捻起一朵花,乜嘢都唔讲。座下啲弟子一个个面懵懵噉,一头雾水,只有一个叫迦叶嘅,面上浮现出会心嘅微笑。佛祖就话嘞:“吾有正法眼藏,涅磐妙心,实相无相,微法妙门,不立文字,教外别传,付嘱摩诃迦叶,喻心心相印。”咩意思?就係佛祖将一门独特嘅法门传授畀迦叶,呢个,就係禅宗嘅起源嘞。
  点解讲讲下论语,捞过界讲禅宗嘅?原因係,我觉得,孔Sir同曾参师徒之间嘅对话,有少少似佛祖同迦叶。不过,曾参嘅资质,就同迦叶冇得比嘞——呢个可能同老师唔同有关。曾参入孔门比第啲人迟咗少少,悟性亦就自然差啲。但係,当孔Sir同佢讲“吾道一以贯之”嘅时候,佢答咗一个字:“係。”即係话,佢乜都明啵,你信唔信啊?佢如果唔再开口,噉就好难讲,但係,当其他同学问佢嘅时候,佢就话:“老师嘅思想其实冇乜嘞,得忠恕两个字喷香。”
  嗱,咩叫“识少少扮代表”,曾参呢啲就係嘞。究竟咩係“忠恕”?朱熹嘅《论语集注》係噉讲嘅:“尽己之谓忠,推己之谓恕。”忠,即係尽忠职守,有几分力出几分力,严以律己;恕,即係“己所不欲,勿施于人”,将心比心,宽以待人。但係我哋读咗唔够四章嘅《论语》,孔Sir嘅思想入边,咩係最重要嘅?梗係“仁”嘞,仲使讲咩?“仁”嘅后边,仲有义、礼、智、信等等,“忠恕”属于仁道嘅表现係冇错,但係,就仲要排喺“孝悌”之后——孝悌先至係“为仁之本”啊,加加埋埋即係“七常位”之后啵,几时轮到佢抢位出镜上报纸头条噉“而已”啫?
  佛祖话禅宗法门係“不立文字,教外别传”,即係唔讲得,一讲即错,讲究嘅係顿悟;老子话“道可道,非常道”,亦都係唔讲得。孔Sir唔係释迦,更加唔係老子,佢嘅仁道,唔单止讲得,仲係要大讲特讲,令到天下人人都识添,噉先至可以达到恢复周礼、天下归仁嘅政治目的。佢谂住同悟性唔高嘅曾参讲道,点知话一出口,曾参一个“唯”字,好似咩都识噉,就激嬲咗佢老人家,拂袖而去,费事再讲。佢走咗之后,曾参唔知丑,仲喺度口多多讲咩“忠恕而已”,真係丢晒架啊!各位同学,我哋重温一下孔Sir嘅英明教导嘞:
  知之为知之,不知为不知,是知也!  (插图:老饼

  评论这张
 
阅读(211)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017