注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·14 不患无位(栋笃论语·里仁第四)  

2007-09-19 22:35:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“不患无位,患所以立。不患莫己知,求为可知也。”

  【译文】孔子话:“唔使担心冇职位,要担心嘅係你凭咩去得到职位。唔使担心冇人了解你自己,努力去奋斗、追求,自然就会得到人哋嘅了解。”

  【栋笃】嗱,孔Sir呢句说话,最啱啲啱啱毕业嘅大学生听嘞。点解?係人都知啦,由于不停噉扩招,依家大学生就业问题係好严峻嘎,揾食艰难,要嗰啲即将走出校门嘅学生哥“不患无位”,係唔实际嘅。所以,我认为,如果改成“患无位,更患所以立”,可能会现实啲。即係话,真正要担心嘅係,你够唔够称。揾唔到心水好工嘅时候,你有冇谂过,你凭咩去同人哋争,凭咩去得到人哋嘅青睐?再谂深一层,你大学四年(或者六年),係点过嘅?论文係咪自己写嘅?有冇学到可以安身立命嘅知识同埋技能?首先回答咗呢几个问题,之后先去谂下,有冇怨天尤人嘅必要。
  “不患莫己知”,就适合啲工作咗几年嘅后生仔嘞。后生仔心高气傲,做出咗啲啲成绩,就容易不知天高地厚嘞,甚至乎有“天下舍我其谁”嘅自我膨胀感。一日得唔到社会嘅承认,就会有怀才不遇嘅哀叹,“我人在江湖,江湖却没有关于我的传说”,就係呢种心态嘅最好写照。但係,有呢种感叹之前,你要先谂下,你付出咗几多?你有冇畀人哋更加勤力?如果有,噉仲有一个机遇嘅问题:机会稍纵即逝,你有冇“该出手时就出手”,紧紧把握住机会?如果答案係有,天道酬勤,有一日你实会出人头地嘅。如果答案係冇,噉就要好好噉检讨下自己嘞。
  但係,有阵时,机会你都把握到,你亦都付出过、努力过,但係就一直“莫己知”,噉又点算呢?噉你就问心无愧嘞,“谋事在人,成事在天”吖嘛。人生嘅意义,唔係一定要畀人哋“知”先得嘅,关键在于:第一,你係咪一个有价值嘅人;第二,你过得开唔开心。要记得,《论语》嘅开篇,孔Sir就讲过:“人不知,而不愠,不亦君子乎?”咔咔。

  评论这张
 
阅读(141)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017