注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·13 礼让为国  

2007-09-18 21:09:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“能以礼让为国乎,何有?不能以礼让为国,如礼何?”

  【译文】孔子话:“如果能够用礼制、谦让嚟治理国家,噉仲有咩问题啊?如果唔能够用礼制、谦让嚟治理国家,噉礼制又有咩用呢?”

  【栋笃】上一Part我哋讲过,人类嘅天性係自私嘅,但係,人嘅自私係好难满足嘅。同一样嘢,你又要,我又要,噉就好自然会有抢夺嘅事情发生。细到个人,大到国家,利益嘅争夺,肯定会引致流血冲突,爆发战争。为咗制止人类呢种“为利相残”嘅劣根性,周公制定咗礼,希望能够用礼制嚟约束人嘅行为。所以,礼制呢味形式主义嘅嘢,体现到日常生活中,就係谦让嘞。由让一个座位,到让一个王位,人类每让一次,人间就会少咗一次纷争。
  所以,孔Sir就话嘞,如果能够“礼让为国”,噉天下仲有咩难事呢?佢讲嘅“为国”,应该係包括埋“对内”同“对外”两种。对内,即係啲统治者唔可以对老百姓索取过度,要畀老百姓有透啖气嘅空间。好似啱啱发生嘅厦门PX事件,厦门市民为咗保卫家园而做出嘅英勇行为,曾经令到当政者恐慌。但係,喺当政者做出咗让步,宣布暂停项目嘅时候,市民嘅愤怒亦都逐渐噉平息落嚟。对外,即係国际关系,亦都係噉。你放弃核武,我就解除封锁。虽然依家讲求竞争,但係,国家之间嘅竞争,都係要遵循平等、互利嘅原则。对内又好,对外又好,互相礼让,好多问题,自然就可以迎刃而解嘞。
  话又讲返转头,如果唔能够“礼让为国”,内争外抢,噉再多条文嘅“礼制”,都会变成咗一纸空文,礼亦都失去咗应有嘅作用。比如喺官商勾结背景中嘅强制拆迁,一次次将啲市民逼上绝路,呢个时候,咪话咩礼唔礼,就连保护私产嘅法律条文,亦都只係空话。
  呢一句,孔Sir讲嘅虽然係两千年前嘅诸侯小国,放喺依家大国上面,同样係讲得过去嘅。当然,如果将“礼让”换成“法”,就更加“与时俱进”嘞:“能以法治国乎,何有?不能以法治国,如法何?”

  评论这张
 
阅读(148)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017