注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·12 放于利而行(栋笃论语·里仁第四)  

2007-09-15 15:47:33|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“放于利而行,多怨。”

  【译文】放,音、义同“仿”,依照、仿照噉解,亦可解释为“以咩咩为标准”。
  孔子话:“如果做咩事都以对自己有利做为标准,肯定会招嚟好多怨恨。”

  【栋笃】一句讲晒,就係“自私会乞人憎”。冇错,一啲都冇错,喺生活当中,自私嘅人,去到边度都乞人憎嘎。呢排,众街坊热捧《溏心风暴》,嗰个“细契”就係人见人憎,直情係“千夫所指”添。点解?就因为佢为咗自己嘅利益,不择手段噉去害人,噉肯定“多怨”嘞。所以,孔Sir係不嬲都要讲“克己复礼”嘎。
    呢度,就要讲到人性嘅本原问题嘞。孔Sir之后,儒家有两位好出名嘅人物,一係荀子,一係孟子。荀子认为“性本恶”,孟子就坚持“性本善”,呢两个论点,都各有论据,就噉,“善恶”两派论战咗成二千年,嘈喧巴闭,都冇个结果。儒家之外,基督教讲“原罪”,即係“性本恶”;佛教讲“众生皆有佛性”,又係“性本善”。但係,有一点係绝大部分人都承认嘅,就係,人嘅本性,係自私嘎。几个月大嘅苏虾,畀妈咪抱住喂奶嘅时候,如果有人行近,探下佢话要抢奶食,佢一只手就会好自然噉将嗰个人推开——几个月大咋噃,咪就自私嘅天性喺度作怪咩?
    但係,自私,係冇善恶之分嘎。《佛说十善业道经》入边有一句话,一直都畀人断章取义噉攞出嚟闹,呢句话就係“人不为己,天诛地灭”嘞。佛嘅原意係话,人类如果唔为自己着想,唔保护自己,噉天地都唔会帮佢嘎,唔单止唔帮,仲会消灭咗人类添——睇下依家人类破坏环境造成嘅天灾,就係呢句话最好嘅注解嘞。所以,佛家一方面认为人性本善,一方面又承认,人,係自私嘅。之不过,主观嘅自私,引出点样嘅客观行为,先至係问题嘅关键。
    释迦放弃咗王子嘅高贵身份同埋锦衣玉食嘅生活去苦修,为咩?冇错,为咗悟证终极真理,为咗全人类嘅“离苦得乐”——但係,佢呢种高尚嘅行为,有冇“为己”呢?佢仲係王子嘅时候,虽然生活係富足、奢侈嘅,但係佢首先就畀生、老、病、死困扰住,个心一直都唔安乐,佢先至会谂到要出家悟道。直到佢喺菩提树下边证得“无上正觉”,佢嘅心,超脱咗生老病死,亦都得到咗无上嘅欢乐——你话,呢种行为入边,有冇“为己”嘅因素呢?
    无论为咗身体嘅享受,定係为咗心灵嘅安乐,自私就係自私。之不过,主观嘅自私,有咗“大公”嘅客观后果,亦都係崇高嘅行为嘞。就讲我哋普通人,喺公车上边让座,客观嚟睇,係无私。但係,入边亦有“自私”嘅原因嘎。点解?会自觉让座嘅人,见到身边有人企得辛苦,佢都冇办法坐得安心,所以,佢嘅让座,主观上,係有“求心安”嘅目的,即係有“为己”嘅因素喺里面嘎。前几日,一个孕妇影咗一张佢企喺公车上边、身边三个男人安坐其位嘅相,传咗上网,引嚟好多网友去闹嗰三个自私嘅男人,就因为嗰三条友主观自私、客观都係自私,噉肯定“多怨”嘞。

  评论这张
 
阅读(177)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017