注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

1.5道千乘之国(栋笃论语·学而第一)  

2006-12-24 14:34:54|  分类: 乱弹论语 |  标签: |举报 |字号 订阅

  下载LOFTER 我的照片书  |
  【原文子曰:道千乘之国,敬事而信,节用而爱人,使民以时。

  【译文】孔子话:治理一个拥有一千架兵车嘅国家,就要严谨且认真噉去办理国家大事,仲要坚守信用,诚实唔呃人,要注意节约财政开支、爱护啲官吏下属。仲有嘅,就係役使啲百姓令佢哋唔可以误咗农时。

  【栋笃】儒家思想,其实唔单止係讲仁义讲道德咖,政治,亦都係《论语》入边一个“要同大家分享”嘅“好重要嘅主题”。孔子一生周游列国,不嬲都想从政想做官嘅,虽然去到好多国家同啲君主倾过,结果都擦唔出火花,净係得个桔,有时甚至乎搞到好似神台猫屎噉,佢都係矢志不改且乐此不疲添。呢一句,係《论语》中第一次出现嘅治国理论。“道”通“导”,係治理嘅意思。春秋时期,国家嘅大细以兵力为标志,一千架兵车嘅国家,话大唔大话细唔细——点解孔子唔讲“道百乘之国”或者係“道万乘之国”?噉就係佢不得已之下嘅聪明嘞:小国佢不屑,大国不屑佢,揾个“中”国啱啱好。治理噉嘅国家,孔子认为,首先对嗰啲国家大事,要有一种“敬畏”嘅态度,严肃认真噉去处理。仲有嘅,就係诚信——嗱,“我泱泱大国,以诚信为本”,话要派一个太子去,就派一个太子去,点可以学人哋咁混吉啊:)喺财政方面,要注意节约开支,唔可以嘥晒啲钱去整咩“形象工程”。仲要“爱人”添——咪住,呢度嘅“人”同“民”係唔同嘅,喺古文入边,“人”係指嗰啲士大夫阶级以上嘅“人”,“民”即係平民百姓——“爱人”,即係要爱护嗰啲做官嘅——点解要爱护啊?扯,你要靠晒佢哋帮你治理国家吖嘛!唔爱护,佢哋同你唔夹噉点得啊?千祈唔可以喐下就发威,畀佢哋有“伴君如伴虎”嘅感觉。讲到啲老百姓,就要谂办法等佢哋“热爱劳动”,照啲时令去耕作,唔可以误咗农时——因为佢哋有田耕有米收,就唔会搞搞震,多交啲租,仲可以保证“千乘”嘅粮草添。嗱,孔子呢句话,完全係企喺统治者嗰一边讲嘅,梗係一啲都冇乜“民本思想”喇。喺当时,呢啲话仲有少少进步意义,今时今日,咁样嘅态度梗係唔得喇。可惜,依家有啲统治者,就连噉样“落后”嘅治国方针都做唔到,孔子泉下有知,实要呕血添噃。 (插图:老饼)

  评论这张
 
阅读(359)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017