注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·9 耻恶衣恶食者,未足与议(栋笃论语·里仁第四)  

2007-09-01 02:27:35|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“士志于道,而耻恶衣恶食者,未足与议也。”

  【译文】耻,以咩为耻嘅意思;恶,坏嘅,唔好嘅。
  孔子话:“喺知识分子之中,嗰啲虽然有志于追求真理,但係就觉得冇靓衫着、冇好嘢食就好丢架嘅人,我同佢哋係冇偈倾嘅。”

  【栋笃】孔Sir不嬲都係好有等级观念嘅,係佢心目中,士,即係知识分子、读书人,係高人一等嘅,呢种“高人一等”,唔係物质财富嘅高人一等,而係喺精神追求方面,应该成为“民众”嘅典范。所以,佢对士嘅要求係好高嘎。有几高?呢句说话,就已经可以睇得出嘞。“志于道”,係“士”嘅本分,“士”应该将全部嘅精力,放喺崇高嘅精神追求上面,对于衣食住行呢啲物质生活,就唔可以过分追求,求其就得。如果你一方面话自己“志于道”,一方面又成日谂住点先可以着好啲、食好啲,噉实係一个虚伪嘅人。噉嘅人,孔Sir係睇唔起嘅,梗係同佢哋冇嘢讲嘞。
    喺呢方面,孔Sir係讲得出又做得到嘎。《史记》入边记载咗,孔Sir喺周游列国嘅时候,有一次同佢嘅学生畀人困住喺陈蔡之间嘅野地七日七夜,差啲饿死,孔Sir都冇动摇过佢对仁道嘅坚持。喺佢嘅影响之下,佢最钟意嘅学生颜回,亦都係一个安贫乐道嘅君子。“雍也第六”入边讲咗,“一箪食,一瓢饮,居陋巷,人不堪其忧,回也不改其乐”,孔Sir仲大赞“贤哉回也”添。
    话又讲返转头。食好啲、着靓啲,係人都想嘎啦。如果对食好着好嘅追求唔违反“道”,噉又有咩唔妥呢?历史已经证明,鼓吹咩“越穷越光荣”嘅时代,就係一个政治黑暗、民生多艰嘅时代。而一个“礼立乐兴”嘅盛世,就应该係每一个“志于道”嘅“士”都可以丰衣足食嘅时代。所以,“志于道”同“求富贵”唔应该係对立嘅,至多有轻重之分啫。退一步嚟讲,即使“志于道”同“耻恶衣恶食”真係对立嘅话,孔Sir亦唔应该用噉嘅态度对呢啲人啊。点解?你唔係“以天下为己任”咩?你觉得“志于道”又“耻恶衣恶食”唔好,就更加应该去教化佢哋,令到佢哋好似颜回噉“贤哉”啊!“未足与议”,嘢都唔肯同人哋讲,眯埋双眼当睇唔到,噉算咩“圣人”呢阿Sir?  (插图:老饼)

  评论这张
 
阅读(232)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017