注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·8 朝闻道,夕死可矣(栋笃论语·里仁第四)  

2007-09-01 02:15:35|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“朝闻道,夕死可矣。”

  【译文】孔子话:“朝早知道咗真理,晚黑死咗都无怨无悔嘞。”

  【栋笃】犀利嘞,呢句说话,未学过《论语》嘅人都听过嘞。“朝闻道,夕死可矣。”,几豪气、几壮烈、几宗教啊,直情就係“砍头不要紧,只要主义真”嘅儒家版嘞。
  咪激动住,我哋搞清楚先,呢个“道”,究竟係乜嘢先。首先就肯定唔係道家嗰个咩“道可道,非常道”嘅“道”嘞。虽然孔Sir曾经喺鲁昭公廿四年特登去同道家创始人老子学过礼,但係睇佢成世人嘅作为,一啲都唔似受到“无为”嘅道家思想影响。所以,孔Sir讲嘅道,应该係佢“一以贯之”嘅、以孝悌为本嘅“仁道”嘞。噉点解知道咗呢个终极真理,仲早死都心甘情愿呢?
  嗱,呢个就要讲到,喺孔Sir嘅心目中,“仁”係比生命仲要重要嘅嘢嚟嘎。人同其他动物嘅根本区别,就係人有思想;噉“仁”呢,就係人嘅思想入边最本原、同时又最高级嘅嘢,冇咗仁道呢味嘢,人就可能等同于禽兽嘞。呢啲,就係活得有冇意义嘅区别嘞。所以,孔Sir就认为,人,如果知道咗仁道嘅真理,噉即使生命短暂,亦都係活得灿烂嘅。
  话又讲返转头,讲係噉讲啫,真正做唔做得到,就係另外一回事嘞。第啲唔讲,孔Sir最钟意又至叻仔嘅学生颜回()41岁就死咗,孔Sir就喊到咩噉,仲不停噉话:“天要杀咗我嘞!天要杀咗我嘞!”照孔Sir嘅标准,颜回就係一个最“闻道”嘅人,少闻道,壮死矣,孔Sir又使乜咁痛苦呢?睇嚟,理智好多时候都係克服唔到感情嘅,孔圣人亦都唔例外。
  其实,儒家之外,为咗“道”而不惜生命嘅人,就有唔少嘞。比如,耶稣为咗布道,畀罗马人钉死喺十字架上边;慧可为咗求道,断臂立雪,先至感动咗达摩,收佢为徒;布鲁诺为咗坚持科学之“道”,畀宗教裁判所烧死……有咗呢啲伟大嘅人物,我哋先至可以相信“朝闻道,夕死可矣”呢句名言。

  评论这张
 
阅读(236)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017