注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·7 观过,斯知仁矣(栋笃论语·里仁第四)  

2007-08-29 22:49:35|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“人之过也,各于其党。观过,斯知仁矣。”

  【译文】过,过错嘅意思;党,宗派噉解。
  孔子话:“人所犯嘅过错,係同佢所属嘅利益集团有关。观察呢啲错误,就知咩係仁德嘞。”

  【栋笃】点解依家有咁多人靠一部《论语》嚟揾食?其中一个好重要嘅原因,就係因为两千年嚟汉语嘅演变同埋版本嘅唔同,导致好多《论语》嘅内容,到咗依家都可以有唔同嘅解释。只要你“大胆假设”,唔使“小心求证”,有人肯听你支笛,吹下水,就可以换两嚿水嘞:)
  讲下笑啫。不过,就今日呢一句,确实有几种唔同嘅翻译。关键就在于呢个“党”字,有人话係“宗派”,有人讲係“类型”,唔同嘅“党”,就有唔同嘅立场嘞。篇幅有限,我就只讲其中一种嘞。
  喺孔Sir嘅思想入边,“过”係“仁”嘅对立面。仁嘅内涵好多,其中有一种係“天下为公”嘅意思,或者可以讲係“公益心”。人点解会犯错?绝大部分,係因为自私,呢种“自私”,亦包括埋为咗自己所属嘅集团利益而去做“不仁”嘅事。从古时候嘅氏族战争、诸侯争霸、民族矛盾到今日世界嘅宗教冲突、政党纷争、以及意识形态嘅对立,人类所犯嘅一切过错,冚棒唥都係因为“各于其党”。所以,有一句无耻而又正确嘅话,叫做“世界上没有永远的朋友,只有永远的利益”,讲嘅都係噉嘅道理。
  好彩,今时今日嘅世界,仲係有唔少人识过“观过知仁”——即係话,睇到人类因为“各于其党”所犯嘅过错,知道唯有“天下为公”先至係大仁大德,所以,就有咗联合国、欧盟、世贸组织呢啲噉嘅国际组织,为咗谋求利益均衡、缓解各种冲突做出咗应有嘅贡献,令到失望嘅人,睇到咗希望,唔至于绝望。
  孔Sir有伟大嘅地方,就係因为佢两千几年前,就睇到咗人类犯错嘅原因,同时亦都指出咗克服错误嘅方向。噉,我哋係咪要写一个大字畀佢啊?边个字?梗係“服”字嘞:)

  评论这张
 
阅读(203)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017