注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·1 里仁为美(栋笃论语·里仁第四)  

2007-08-19 01:29:35|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“里仁为美,择不处仁,焉得知?”

  【译文】里,本来係指居住嘅地方,喺度用作动词,“居住”噉解;里仁,即係同啲有仁德嘅人住埋一齐;知,音、义同“智”。
  孔子话:“同啲有仁德嘅人住埋一齐,先至係完美嘅选择;如果你拣嘅地方唔係喺‘仁人’嘅附近,噉点算係明智嘅选择啊?”

  【栋笃】俗话有讲嘞,近朱者赤,就近墨者黑,人嘅道德修养,除咗靠自己之外,周围环境嘅影响,亦都係关系好大嘎。所以,孔Sir以前讲过,君子要“无友不如己者”,今次又讲咗“里仁为美”,都係强调周围嘅人对自己嘅影响。
  一般人读到《论语》嘅呢一章,都会谂起“孟母三迁”嘅古仔。孔Sir之后最出名嘅儒家帮主孟子,细个嘅时候,老窦过咗身,佢阿妈带住佢守节。原先,佢哋住喺公墓嘅附近,孟子就学识咗一啲丧礼上边嘅表演仪式,比如点样假喊啊呢啲,孟母就觉得,呢种地方唔啱细路仔住嘅,就带住佢,搬咗去街市度。谂唔到,孟子又学识咗买卖同埋劏猪劏牛呢啲噉嘅嘢,孟母又觉得唔妥,就带住孟子再次搬屋。呢次佢哋搬咗去学宫嘅附近,每月初一都会睇到啲官员入嚟呢度行礼跪拜。呢次孟母觉得掂嘞,先至喺度住落嚟。后来,孟子就成为儒家嘅另一个掌门人。
  依家喺社会上,我哋都可以睇到“孟母三迁”嘅现代版继续上演嘎。唔同嘅係,现代版嘅孟母,要为“里仁”付出巨大嘅代价——呢个代价,就係一大笔钱,或者巨额嘅“择校费”嘞。噉样,畀得起钱嘅人,係“美”嘞,但係,嗰啲冇钱“里仁”嘅人,就只能够“择不处仁”嘞,甚至乎连“不处仁”都冇得拣。係人都知,呢种情况,係由教育资源分配不公造成嘅,唔怪得做父母嘅。
  再谂深一层,细路仔要“里仁”,梗係无可指责。但係,如果係嗰啲可以讲得上“君子”嘅,个个都好“理智”噉谂住“里仁”,冇人肯去“不仁”嘅地方住,噉“不仁”嘅,咪就永远“不仁”落去?咪话我杞人忧天,大家谂下唔少媒体报道过嘅某省嘅“砍手村”、“拐子村”,咪就係噉样嘅情况?所以,“真嘅君子,要直面不美嘅人生,要正视不仁嘅社会”,要有地藏菩萨“地狱不空,誓不成佛”嘅大慈悲心,勇敢嘅到“不仁”嘅地方去,以自己嘅仁德去宣扬教化,而唔係“择仁而居”,做一个逃跑主义者。
  所以,孔Sir呢句话,要完美啲,应该係:“里仁为美,择不处仁,安而教之。”  (插图:老饼

  评论这张
 
阅读(235)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017