注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·5 富与贵,是人之所欲也(栋笃论语·里仁第四)  

2007-08-27 21:40:35|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“富与贵,是人之所欲也,不以其道得之,不处也;贫与贱,是人之所恶也,不以其道得之,不去也。君子去仁,恶乎成名?君子无终食之间违仁,造次必于是,颠沛必于是。

  【译文】孔子话:“富贵呢啲嘢,係人都想要嘎嘞。但係,如果唔係行正路去得到嘅,就唔要得。贫贱嘅生活,係人都唔想要嘞,但係,如果唔係通过啲正当手段去得到改变,噉就不如唔去改变嘞。君子离开咗仁德,点可以成全君子之名?君子喺食餐饭嘅时间入边,都唔可以违反仁德,短促嘅时间入边係噉,喺动荡嘅生活入边,亦都应该係噉。”

  【栋笃】逢年过节,省港两地都可以听到许冠杰嗰首经典嘅《财神到》:“财神到,财神到,好心得好报。财神话,财神话,揾钱依正路。财神到,财神到,好走快两步,得到佢睇起你,你有前途。”冇错嘞,喺呢个越富越光荣嘅时代,係人都想“财神到”嘞,但係,“财神的眼睛是雪亮的”,你要得到佢嘅“睇起你”,就有两个条件:一係“好心”,一係“依正路”。冇咗呢两个条件,你“走快廿步”都冇用,财神哥哥睬你都傻:)
  嗱,呢首歌,直情就係孔Sir呢句说话嘅音乐版嚟嘎。“好心”,就係唔可以“违仁”;“依正路”,即係“以其道得之”嘞。孔Sir不嬲都係一个实际嘅人,佢唔会好似朱熹嗰啲不肖嘅徒子徒孙噉,口花花讲咩“存天理,灭人欲”。佢老人家係承认,富贵係“人之所欲”、贫贱係“人之所恶”嘎,君子亦都係人,求富贵,避贫贱,都係可以理解嘎。关键係,係咪“以其道得之”,即係有冇“依正路”嘞。呢个道,就係仁道。君子係爱惜自己嘅名声嘅,如果离开咗仁德,点可能有好嘅名声?名声唔好,享受富贵嘅时候,条气都唔顺啦。所以,君子要成日谂住仁德,唔理生活係点,都唔可以“违仁”。
  噉样讲,相信大家都可以接受啲嘞。我哋平时讲“生财有道”,就唔係不择手段去发财,而係应该喺仁道嘅范围里面求财嘞。呢层意思,以后,孔Sir仲会唔止一次噉讲到嘅,呢一Part就当係预习下先嘞。

  评论这张
 
阅读(799)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017