注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·3、4 好人恶人(栋笃论语·里仁第四)  

2007-08-23 11:47:35|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“唯仁者能好人,能恶人。”
  子曰:“苟志于仁矣,无恶也。”

  【译文】好[hou3,耗],动词,中意噉解;“恶人”嘅恶[wu3,户3],动词,讨厌、憎嘅意思。
  孔子话:“只有嗰啲有仁德嘅人,先至识得点样正确去爱人同埋憎人。”
  孔子话:“如果立志于仁,就唔会做坏事嘞。”

  【栋笃】两章夹埋一齐讲,係因为孔Sir呢两句讲嘅,都係“仁”嘅“功效”嚟嘎。
  本来,係人,就有七情六欲;係人,就会钟意人,亦都会憎人,只係钟意或者憎嘅原因唔同啫。以前有人将孔Sir呢句说话理解成“只有仁者先至能够爱人同埋憎人”,噉就有少少离谱嘞。係噉嘅话,不仁嘅人,就冇爱憎之分啊?大佬啊,阿希特勒都会钟意爱娃嘞。但係,如果冇咗仁德,人嘅喜恶,冚棒唥都企喺自己嘅立场,噉世界就乱晒大龙嘞。比如,仲係希特勒,佢係至憎犹太人嘅,一朝权在手,就发动咗针对犹太人嘅灭绝性屠杀。
  所以,呢度嘅“能好人,能恶人”,应该係“正确去钟意人、憎人”。咩叫“正确”?符合“仁”嘅本性,企喺公共嘅立场上边,就係正确。即係话,仁者所爱嘅,肯定係大家公认嘅好人;仁者所憎嘅,肯定係大家公认嘅坏人。
  冇错嘞,仁,就有噉嘅作用。所以,立志向仁嘅人,自己梗唔会做坏事嘞。其实,呢个道理,唔知大家记唔记得,孔Sir嘅学生有子喺“学而第一”入边就讲过嘞。唔记得嘅话,我哋一齐再“学而时习之”:“其为人也孝弟,而好犯上者,鲜矣;不好犯上,而好作乱者,未之有也;君子务本,本立而道生。孝弟也者,其为仁之本与!”
  孔Sir师生长气噉讲嚟讲去,都係呢个道理:仁,係可以解决一切社会问题嘎。但係,我哋要警惕嘅係,喺“志于仁”嘅“崇高理想”后面,有几多恶行明目张胆噉进行。比如,我哋可以谂下:历史上嘅农民暴动,啱开始嘅时候,边一次唔係“志于仁”嘎?到后尾,又有边一次係冇做过恶事嘅? (插图:老饼

  评论这张
 
阅读(195)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017