注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

4·2 仁者安仁  

2007-08-22 00:41:35|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“不仁者不可以久处约,不可以长处乐。仁者安仁,知者利仁。”

  【译文】约,贫困嘅意思;乐,安乐、富足噉解;知,同“智”。
  孔子话:“冇仁德嘅人冇办法长期噉过贫困嘅生活,亦都冇办法长期生活喺安乐、富足之中。有仁德嘅人,仁德会令到佢时时安心;明智嘅人,知道仁德对佢哋有用,亦会实行仁德。”

  【栋笃】“贫而乐道,富而好礼”,係孔Sir对仁者嘅要求嚟嘎(见1·15)。因为,组成一个社会,主要有两种人:一係穷人,一係富人。穷人同埋富人,亦都係决定一个社会係咪安定、和唔和谐嘅关键因素。从反面嚟讲,穷人唔“安贫”,富人唔“好礼”,就会引爆社会矛盾,引致社会动荡。但係好多时候,“为富不仁”,往往係“为穷不义”嘅根源。所以,唔理穷定富,仁,就係关键中嘅关键。
  孔Sir讲咗嘞,“不仁”嘅穷人,係冇可能长期生活喺贫穷之中嘎,实会谂办法令到自己可以“猪笼入水”,兼且因为“不仁”,所以佢哋一般都会不择手段噉“掠水”;而“不仁”嘅富人,实会利用“叠水”嘅身份,去做一啲伤天害理嘅事。但係,讲返转头,一个“仁者”,佢如果唔想“久处约”,谂住通过正当嘅渠道去揾钱,噉又得唔得呢?
  咪话我呢个问题幼稚,嗱,最近喺媒体上边嘈紧嘅“洪战辉作报告却推销新书”事件,就提供咗一个解读孔Sir语录嘅极好例子。洪战辉,唔使我多讲嘞,佢係一个以“孝悌”感动中国嘅道德偶像嚟,佢嘅行为,完全符合晒孔Sir对“仁”嘅标准。但係,佢上个月喺郑州作事迹报告嘅时候,因为顺便推销佢自己嘅书,就畀媒体以《洪战辉做报告只为卖书赚钱》为标题做咗负面报道,仲引起唔少人嘅怀疑、甚至口诛笔伐添。但係,各位善长仁翁啊,佢凭自己嘅双手劳动,合法噉揾钱,有咩唔妥啊?唔通佢係一个“仁者”,就必须“久处约”,唔可以有改善生活嘅欲望?谂唔到,嗰个人类历史上最变态嘅“越穷越光荣”嘅年代过去咗咁多年,仲有人用呢啲“灭人欲,存天理”嘅道德标准嚟要求一个遍尝贫困廿几年嘅人,正一现代假道学嚟嘎!
  谂返孔Sir嘅话,“仁者安仁”梗係好嘞,但係,“知者利仁”,亦都係一种值得肯定嘅选择。只要係真正嘅“仁”,唔理佢係为公为私,都係对社会有益嘅。

  评论这张
 
阅读(273)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017