注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐
GACHA精选

1.1学而时习之(栋笃论语·学而第一)  

2006-12-11 22:55:55|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:学而时习之,不亦说乎;有朋自远方来,不亦乐乎;人不知,而不愠,不亦君子乎?

  【翻译】孔子话:学问、知识呢啲嘢,能够畀社会承认,畀时世应用,都唔知几鬼开心喇。退一步嚟讲,如果冇畀社会所用,有死党喺冇雷公咁远嘅地方嚟揾我,同我一齐倾偈吹水,更加係赏心乐事添嘞。如果冚棒唥嘅人都唔肯承认我,噉我都唔嬲,你够胆话我唔係君子咩?

  【栋笃】《论语》嘅开篇,孔子讲嘅主要係点样正确对待“怀才不遇”嘅问题。老夫子一生周游列国,但求边个君主睇得起,请佢做国师,畀碗饭食。可惜时势弄人,佢老人家成肚学问,成日东奔西走,有阵时甚至乎饿到要死,想食餐饱嘅都几难。可能喺学生面前觉得好冇面,佢就讲出呢番话,用啲“精神胜利法”嚟自我安慰,横掂我做唔到“君师”,就做个“君子”啊,都可以青史留名嘎。用今日嘅话嚟讲,就係,学有所用,将学到嘅嘢回报畀社会,梗係最开心嘅事嘞。呢个目的如果暂时实现唔到嘅话,你嘅知识学问,可以同啲老友记吹下水,夜夜欢乐今宵,亦都算冇白学添。至衰嘅係,日日喺人才交流中心度递简历都冇人睬你,啲朋友都冇埋,更加冇人识得你係儒家嘅至尊无敌掌门人,甚至乎当你係傻嘅——真係沦落到呢种田地嘅话,你都可以死撑,仲好似阿姐只歌仔唱嘅噉“不怨天不怨地”,闩咗门继续做自己嘅学问——噉就恭喜晒你喇,你捞唔到第啲嘢,至少都捞到一个“君子”嘅名号啦。  (插图:老饼)

  评论这张
 
阅读(314)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017