注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·23 乐其可知也(栋笃论语·八佾第三)  

2007-05-06 14:52:44|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子语鲁大师乐,曰:“乐其可知也,始作,翕如也;从之,纯如也,皦如也,绎如也,以成。”
  【译文】大(音太)师乐,係古代嘅乐官,鲁大师乐,即係鲁国嘅乐官。
  孔子同鲁国嘅乐官讲:“音乐我係识得少少嘅。开始演奏嘅时候,乐音係和谐嘅;跟住落嚟,係清纯协调嘅;演奏继续落去,节奏分明、连续不断,一首音乐就噉搞掂咗嘞。”

  【栋笃】哇,犀利啊孔Sir!唔单止识得教人思想政治、礼仪常规,识得编教材,仲识得教音乐添,简直就係一个全能型嘅新世纪人才,只係做一个教授,实在太可惜嘞:)
  话时话,其实呢,孔门弟子,不嬲都係要学习“四书五经六艺”嘎。其中嘅“四书五经”係必修科,死都要读嘅嘞。咩係四书?就係《大学》、《中庸》、《论语》、《孟子》嘞;“五经”即係《诗经》、《尚书》、《礼记》、《易经》、《春秋》;而“六艺”呢,就係——咩?琴棋书画诗词?“恭喜你,答——错嘞!”唔係,六艺,包括埋礼、乐、射、御、书、数,即係礼节、音乐、射击、揸车、书法、算术六种,依家嘅叫法,就叫做“术科”嘞。但係,喺嗰阵时,呢啲噉嘅术科,唔係咩“3+x”或者咩“9选6”,而係全部要掌握嘅喔。
  既然“乐”係儒家弟子必须掌握嘅六艺之一,噉作为儒家嘅超级无敌掌门人,孔Sir对音乐“可知也”,就一啲都唔出奇嘞。喺以后,我哋仲要多次学习到,孔Sir嘅音乐理论同埋乐评添。
  但係,有一点大家要知嘅係,孔Sir最痛心嘅事,就係春秋时期嘅“礼崩乐坏”嘞。礼嘅重要性,我哋以前讲过,点解“乐坏”又係噉紧要呢?嗱,音乐嘅起源,虽然係人民群众嘅“嘿咻嘿咻”,但係,到咗周朝嘅时候,音乐已经成为咗“礼”不可分割嘅一部分,即係话,“乐”係为“礼”服务嘅,礼“崩”咗,乐肯定亦都跟住“坏”嘞。所以,孔Sir呢一段话,讲嘅虽然係音乐,但仍然离唔开“礼”嘅范围,因为,“翕如、纯如、皦如、绎如”,同当时祭礼嘅程序係节节相关嘎。净係讲纯乐理嘅话,就要讲当时已经出现嘅“三分损益律”呢啲噉嘢嘞。就好似依家,有人同你讲,佢识得古典交响乐,就係由快板、慢板、快板三个乐章加埋一段小步舞曲组成嘅,噉你话,佢係咪识少少扮代表呢?  (插图:老饼)

  评论这张
 
阅读(276)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017