注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·20 乐而不淫(栋笃论语·八佾第三)  

2007-04-22 21:34:46|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“《关睢》,乐而不淫,哀而不伤。”

  【译文】《关睢》,係《诗经·国风·周南》嘅第一篇,写咗男女拍拖时候嘅渴望同埋思念;淫,过分噉解。
  孔子话:“《关睢》呢首诗,开心又唔会过分,悲哀又唔会伤痛。”

  【栋笃】你可能未睇过《诗经》,但係你一定听讲过《关睢》;你可能未睇过《关睢》,但係,你一定听讲过“窈窕淑女,君子好逑”——噉就好似你未睇过《论语》,但係你肯定听过“学而时习之”一样——冇错嘞,《关睢》,就係孔Sir编选嘅教材《诗经》入边嘅第一篇(课)。大家可能仲记得,孔Sir喺讲解“为政”嗰节课嘅时候,忽然间插播咗《诗经》嘅广告:“诗三百,一言以蔽之,曰:思无邪。”即係《诗经》三百篇,篇篇都係思想纯正嘅诗歌嚟嘎。喺呢度,孔Sir讲完君臣之礼之后,又插播咗《诗经》第一篇嘅“艺术特色”。睇嚟,孔教授嘅营销手段,的确係学到家嘞。
  “乐而不淫,哀而不伤”,嗱,呢个“淫”字,大家千祈唔好同我第一次见到噉理解嘞(咩,我点理解嘅?咪就同你依家一样噉理解嘞):) 淫,喺古文入边,一般都係“过分”噉解。噉《关睢》入边,边啲内容係“乐而不淫”呢?后面嗰几句:“窈窕淑女,琴瑟友之……窈窕淑女,钟鼓乐之”就係嘞,表达开心、幸福,一啲都唔会过分。而“哀而不伤”,就係呢几句:“窈窕淑女,寤寐求之。求之不得,寤寐思服。悠哉悠哉,辗转反侧。”——见到靓女,想得到佢;得唔到佢,成晚谂住佢,个心啰啰挛训唔着——嗱,係咪“哀而不伤”啊?记住嘞,呢题重点嘞,以后考试,问你“《关睢》有咩艺术特色”,就噉答嘞。
  讲下笑啫。其实,“乐而不淫,哀而不伤”,就代表咗一种“中庸”嘅人生态度。凡事合乎礼制,恰到好处,行中庸之道,亦都係儒家思想入边一个好重要嘅主题嚟嘎。有少少可惜嘅係,孔Sir编选《诗经》,以“乐而不淫,哀而不伤”作为标准,肯定就删咗唔少“乐而淫、哀而伤”嘅作品。我哋上次讲过,当时嘅民歌,肯定有好多係激情爆棚嘅作品,可惜,就因为唔啱“不淫”、“不伤”嘅标准,被孔Sir删咗。呢种情况,就同依家唔少大学教授编选教材一样,讲好听叫“个人风格”,唔好听,就係“一己之见”嘞。  (插图:老饼)

  评论这张
 
阅读(186)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017