注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·22 管仲之器小哉(栋笃论语·八佾第三)  

2007-04-30 23:17:44|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“管仲之器小哉!”或曰:“管仲俭乎?”曰:“管氏有三归,官事不摄,焉得俭?”“然则管仲知礼乎?”曰:“邦君树塞门,管氏亦树塞门;邦君为两君之好,有反坫,管氏亦有反坫。管氏而知礼,孰不知礼?”

  【译文】孔子话:“管仲係个小气鬼嚟嘎!”有人就问佢:“管仲生活好悭嘎咩?”孔子话:“管仲娶咗三个老婆,佢手下啲人都唔兼职嘅,点算悭啊?”嗰个人问:“噉管仲係咪好识礼啊?”孔子就话:“国君喺对门起照壁,佢亦都喺对门起咗照壁;国君为咗接待外国元首,设置咗一个放爵(酒杯)嘅台,管仲喺自己屋企又整咗一个放爵嘅台。管仲噉都算识礼嘅话,仲有边个唔识礼啊?”

  【栋笃】管仲,咩人嚟嘎?点解孔Sir要噉样弹佢啊?嗱,读过少少东周列国史嘅人都知嘞,管仲个名叫“夷吾”,係春秋时候嘅齐国人,佢凭住出众嘅才华,帮助阿齐桓公成就咗霸业,就青史留名。其实,孔Sir亦都唔止一次出横力噉赞过佢嘅,仲话佢“仁”添(《宪问第十四》)。但係,仁归仁,礼归礼,话之佢係咩人,就算係国君,如果做咗“非礼”嘅事,孔Sir一样弹佢嘅。
  管仲畀孔Sir弹嘅原因,主要有三个:小气、奢侈、越礼。小气,喺《左传》入边讲咗,因为一啲小小嘅恩怨,蔡国得罪咗齐桓公,管仲就带兵灭咗蔡国;仲有,受齐国保护嘅陈国畀人侵略嘅时候,管仲亦因为一啲小恩怨,见死不救。孔Sir就因为噉话佢小气,有人听错咗,以为孔Sir话管仲好孤寒、生活好节俭,噉样又引出埋孔Sir对阿管仲包二奶三奶、手下机构臃肿、生活奢侈嘅指责。搞笑嘅係,嗰个人唔知係咪阿管仲嘅Fans,死牛一边颈噉,一定要听到孔Sir赞阿管仲一句先算数,就讲出咗“管仲知礼乎”噉嘅说话,噉就引出埋孔Sir对阿管仲更大嘅批评:“树塞门”、“有反坫”,呢啲都係国君先至有资格做嘅事,管仲噉做,又係“僭越”嘞。听到孔Sir噉讲,嗰个“管粉”先至收声。
  嗱,孔Sir就係一个噉嘅人嘞,有乜讲乜,唔会“为尊者讳”,照足客观事实,有理有据去赞弹一个人。有时谂下,噉样嘅性格,其实都几可爱嘎。  (插图:老饼)

  评论这张
 
阅读(169)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017