注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·18/19 事君尽礼(栋笃论语·八佾第三)  

2007-04-18 18:39:46|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文3·18 子曰:“事君尽礼,人以为谄也。”
  3·19 定公问:“君使臣,臣事君,如之何?”孔子对曰:“君使臣以礼,臣事君以忠。”

  【译文】孔子话:“我照足啲周礼去事奉国君,人哋就以为我係擦鞋。”
  鲁定公问:“君主使唤臣下,臣下事奉君主,点做至得?”孔子就答佢话:“君主使唤臣下,要合乎礼制;臣下事奉君主,要忠心耿耿。”

  【栋笃】人类社会最早嘅“君主”,係由部落首领发展而来嘅。当时嘅君主,仲要靠神秘嘅巫术去统治、管理成个部落,带领人民战胜天灾人祸,所以,好似尧、舜噉嘅君主,都係半神半人、充满神秘色彩嘅。所谓“君权神授”,部落成员对首领自然充满敬畏。呢种情况持续到西周末期,由于周天子昏庸无能,话事权畀诸侯国嘅霸主抢咗,就做唔到天下嘅揸fit人,噉样,“神权”变成“神咗”,亦都冇人睬佢。同时,喺一啲诸侯国内部,情况都差唔多,即係臣强君弱,国君成咗摆设,好多做臣下嘅,就冇可能同以前一样去敬畏国君嘞。比如,孔Sir所在嘅鲁国,就係噉样。
  鲁定公在位嘅时候,鲁国大权係掌握喺季氏等“三家”嘅手里面。定公个心肯定好唔妥,又唔知点算好,就问阿孔Sir,君臣之间,应该点处理好啊?孔Sir梗係好醒目嘞,就噉样答佢:“君使臣以礼,臣事君以忠。”
  你估阿定公兄真係唔识君臣之间嘅嘢咩?梗唔係嘞,佢只不过係需要一个人同佢强调下,君臣之间应该以礼相待,特别係臣下要对君主尽忠,寻求少少心理安慰啫。真係阴公啰。
  噉点解问阿孔Sir,唔去问嗰啲“越礼”嘅臣子呢?就因为孔Sir不嬲都係一个以实际行动“事君尽礼”嘅人。喺我哋以后会讲到嘅“乡党第十”嗰篇入边,有几段就详细讲咗孔Sir喺国君面前係点样“尽礼”嘅,简直係“战战兢兢”添。佢噉样做,畀人“以为谄”,一啲都唔出奇嘞。
  但係,大佬啊,你谂嘢都唔用脑嘎,孔Sir如果真係要擦鞋,点解唔去同嗰啲真正嘅揸fit人——“三家”,而係要同一个“不做大哥好多年”嘅国君擦鞋呢?

  评论这张
 
阅读(178)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017