注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·17 我爱其礼  

2007-04-15 22:58:46|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡欲去告朔之饩羊。子曰:“赐也,尔爱其羊,我爱其礼。”

  【译文】告朔,按周礼嘅规定,天子喺每年嘅秋冬之交,将出年嘅历书颁发畀诸侯。诸侯就将历书摆喺祖庙度,然后每个月嘅初一(朔日)就嚟到祖庙,劏只羊祭天,宣示每个月听政嘅开始。
  子贡想废除每月祭祖时候劏羊呢part。孔子(唔同意)就话:“阿赐仔啊,你爱惜嘅係嗰只羊,我爱惜嘅係礼啊!”

  【栋笃】如果大家仲记得嘅话,冇几耐之前,阿林放问咩係“礼之本”嘅时候,孔Sir就噉讲过,“礼,与其奢也,宁俭”。意思係话,礼注重嘅係内心,唔係形式。嗱,呢句话,依家仲新鲜滚热辣,但係,当阿子贡(端木赐)想悭番“告朔”用嘅生羊嘅时候,孔Sir又话嘞,“你爱惜嘅係嗰只羊,我爱惜嘅係礼啊!”听得出,佢噉讲嘅时候,係好嬲嘅——噉好似有少少前后矛盾㖞,你话係咪?
  咪住,我哋搞清楚先,子贡点解要“悭”嗰只羊。上边讲过,“告朔”本来係一种好严肃嘅周礼嚟嘎,但係,到咗春秋时期,周天子就好似张神主牌噉成咗摆设,每年亦都唔再颁布历法(要颁都冇人睬佢),后尾,鲁国嘅国君喺每个月嘅初一亦都费事去祖庙“告朔”,就叫当时负责祭礼嘅子贡是但劏只羊拜过算数。子贡睇到天子、诸侯都唔再将“告朔”礼当回事,亦费事劏羊祭天,就谂住要“悭”咗呢一个仪式。我谂阿子贡噉做,好可能係将孔Sir嗰句“礼,与其奢也,宁俭”当真,横掂啲天子、诸侯唔单止内心唔再敬重“礼”,连“走过场”都懒,噉做臣下嘅,又何必咁认真呢?悭得几多得几多嘞,留返只羊条命仔,咪仲好?
  孔Sir畀佢学生激嬲咗,其实都唔难理解嘅。喺佢嘅内心之中,肯定噉认为,就係因为天子、诸侯都唔再重视礼,我哋做“君子”嘅,就更加要维护礼制嘅尊严,唔可以“上梁不正下梁歪”,跟住去破坏礼。
  讲到呢度,我谂起咗电影《麦兜故事》,入边有一个关于圣诞节火鸡嘅情节,留畀我好深刻嘅印象:因为单亲家庭家境唔好,麦太平时係一个好悭嘅人,但係,圣诞节一到,佢仲係同人哋一样嘥钱买咗一只好大只嘅火鸡,母子两个一直食到出年仲食唔晒,后尾麦兜一见到火鸡肉就喊。麦太点解要噉做?就係因为,圣诞节嘅火鸡,係唔悭得嘅“礼”,再穷,都要尽礼嘅。再睇下依家,漫山遍野嘅“衣冠金猪”,都係“我爱其礼”嘅道理。
  睇嚟,形式主义呢味嘢,古今都係有市场嘅,边个想悭都唔悭得,咔咔。 
(插图:老饼)

  评论这张
 
阅读(142)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017