注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·15 子入太庙(栋笃论语·八佾第三)  

2007-04-12 23:03:46|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子入太庙,每事问。或曰:“孰谓鄹人之子知礼乎?入太庙,每事问。”子闻之,曰:“是礼也。”

  【译文】太庙,係国君嘅祖庙,鲁国嘅太庙就係周公庙;鄹[zeo1 周]人,孔子嘅父亲叔梁纥曾经做过鄹大夫,古人钟意用封地嘅名嚟称呼嗰个人,所以“鄹人”係指孔子嘅父亲,“鄹人之子”即係孔子。
  孔子入太庙助祭,咩事都要问。有人就话:“边个话阿叔梁纥个仔识礼啊?你睇佢入咗太庙,见到乜都要问。”孔子听到噉嘅说话,就话:“我噉样做就係礼啊!”

  【栋笃】孔Sir入去太庙,唔係得闲入去行下嘎。太庙係咩地方嚟嘎?国君嘅祖庙啊,你以为係旅游景点,是但咩人买张飞就可以入去摆个“V”字甫士影下相咩?孔Sir虽然因为识礼而出名,但係到咗佢52岁嘅时候,做咗鲁国嘅大司寇,先至有资格入太庙——入去做咩?入去“助祭”,即係帮手主持祭礼嘞。
  普通人家拜祖先,求其啲都冇所谓嘞,有少少钱嘅,去订只乳猪,仲好似芭比娃娃噉同佢着多件靓衫,最多咪烧多部靓车加多一对靓女,噉就已经好孝顺嘞。国君拜祖先,係国祭嚟嘎,犀利嘞,仪式、礼器、音乐、祭文等等,咩都要照足周礼嚟做,一啲唔可以求其嘎。因为孔Sir係以为自己最识得周礼嘅,佢冇资格入太庙嘅时候,边个做咗“非礼”嘅事,佢都要讲三讲四,又话自己冇眼睇(吾不欲观之矣),又诈傻扮懵话自己“不知也”。嗱,今次轮到佢自己要入去主持嘞,肯定有唔少人等住睇佢会唔会出错,话唔定仲有人要开盘赌番铺先。喺呢种情况底下,一般嘅人,肯定会“战战兢兢”如履薄冰嘞。
  孔Sir係咩人?梗係叻人嘞。叻人会点做?梗係识做嘞。所以,佢就“每事问”嘞,即係咩事都问。比如:大佬啊,读祭文用鲁国嘅白话定周朝嘅普通话啊?啲舞女嘅服装,可唔可以露乳沟啊?行灌礼洒酒嘅时候,用五粮液定人头马啊?等等等等。噉样做,一举三得:一、小心谨慎,防止出错;二、表示对主祭人嘅尊敬;三、如果主祭人讲错,仲可以纠正佢,show下自己嘅识礼。但係,噉样做,又有人单打佢嘞:“唔係话佢好识礼咩?点解仲乜都要问啊?”孔Sir就话:“我噉样做就係礼啊!”咩意思?即係话:好似我噉识礼嘅人,都要尊重人哋请教人哋,噉就係礼嘅表现啊!
  点啊,冇嘢讲嘞啩?
  今堂课,我哋学识咗,咩叫叻人——叻人就係识得喺适当时候“扮猪食老虎”嘅人。  (插图:老饼)

  评论这张
 
阅读(380)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017