注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·14 吾从周(栋笃论语·八佾第三)  

2007-04-11 21:00:46|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“周监于二代,郁郁乎文哉,吾从周。”

  【译文】监,同“鉴”,借鉴嘅意思;郁郁,丰富、完备噉解。

  孔子话:“周朝嘅礼制係借鉴咗夏、商两代嘅优良传统,完美、丰富又有文采,所以我遵从周礼。”
  【栋笃】点解孔Sir成日谂住要恢复周礼呢?好简单,因为周礼好吖嘛;噉周礼有咩好呢?噉就仲简单,周礼可以解决一切嘅社会问题,令到天下太平吖嘛;噉周礼点解会咁好呢?嗱,孔Sir喺度答你嘞:因为周礼係借鉴咗夏、商两代嘅礼制入边嘅精华,又经过古圣先贤——周公嘅整合之后,先至形成一套丰富、完美嘅礼制嘎。所以,我哋冇理由唔遵从周礼啊!
  噉……既然周礼咁完美,点解周幽王又会为咗一个靓女,烽火戏诸侯,搞到诸侯都唔妥佢,引致春秋之乱呢?唔通周礼只係对“民”有用,对“君”就冇用嘅?
  呢个……嗱嗱嗱,大佬啊,做人要厚道啊,人哋揾食之嘛,畀条路行下得唔得啊?
  得嘞得嘞,讲下笑啫。其实,谂起身,孔Sir都係与时俱进嘅。佢认为周礼好,同时亦都睇到,周礼其实都係一种借鉴而嚟嘅产物,喺形成嘅过程之中,係有所“损益”嘅,而且,“所损益可知也”(2·23)。係噉嘅话,“吾从周”嘅“从”,就唔係冚棒唥照足嚟嘅“盲从”,而係可以“损益”嘅——噉就梗係除咗“八佾舞”、“以《雍》彻”、“旅泰山”(3·1/2/6)嗰啲“是可忍孰不可忍”嘅过分行为之外啦。
  礼制係噉,比礼制更大嘅文化亦应该係噉。呢百年嚟嘅中国,肯定係一个比春秋时期更加“礼崩乐坏”嘅时代。点解会噉?就因为传统文化经历咗两次毁灭性嘅破坏:一係“五四运动”,一係“文化大革命”。“五四”嘅出发点係好嘅,当时嘅中国,确实需要引进民主科学呢味“西药”,先至可以起死回生。但係,当时嘅精英,亦都好似西医一样,喐下就“截肢”,矫枉过正,喺“打倒孔家店”嘅口号声中,将传统文化根都去埋。后尾,民国政府一啲有识之士认识到当年嘅过激行为,虽然谂住要保护文化之根,但随住政治嘅失势,佢哋嘅努力亦都失败咗。到咗十年浩劫,大家都知嘞,持续嘅“破四旧”运动,传统文化遇到咗比“焚书坑儒”更彻底嘅毁灭。依家又有人成日谂住要恢复传统文化嘞——呢啲本来係好事嚟嘎,但係一定要记住孔Sir讲嘅呢个“监”()字,记住传统文化入边有好嘢,亦都有衰嘢,所以,要借鉴,唔好全盘接受。噉咩係好嘢咩係衰嘢?其实都係好简单,就睇啲嘢係咪符合历史发展规律同埋世界文明嘅潮流。比如,“学而时习之”就係要得嘅,咩“君君臣臣”嗰啲专制思想,就咪搞嘞。

  评论这张
 
阅读(127)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017