注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·10/11 谛之说(栋笃论语·八佾第三)  

2007-04-03 22:53:46|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文3·10 子曰:“禘自既灌而往者,吾不欲观之矣。”
  3·11 或问禘之说,子曰:“不知也。知其说者之于天下也,其如示诸斯乎!”指其掌。

  【译文】禘(dei3 ),係一种大型嘅祭礼,本来係天子先至可以主持嘅。但係因为鲁国嘅始封国君周公旦嘅功劳好大,周天子就特批鲁国可以进行禘祭嘞。灌,係禘祭过程中嘅一个步骤,将啲酒晒喺茅草上边,表示畀天帝饮咗。呢一步,係必须由主祭人亲自进行嘅。
  孔子话:“禘祭礼进行到洒酒敬神之后,我就唔想睇嘞。”
  有人问禘祭嘅详细情况,孔子就话:“我唔识嘎。但係识得点讲嘅人,天下对于佢嚟讲,就好似显示喺度一样。”一边讲,一边仲指住佢自己嘅手掌。

  【栋笃】呢两节课夹埋一齐嚟讲,係因为孔Sir讲嘅,都係关于“禘祭”嘅问题。本来,禘祭係周天子先可以主持嘅,因为分封喺鲁国嘅周公旦功劳好大,周天子就特批佢可以主持“禘祭”仪式嘞。但係,周公旦可以主持“禘祭”,係咪就等于佢以后嘅鲁国国君都可以呢?孔Sir心入面嘅答案,肯定係:No。喺好多古代嘅演义小说入边,都有皇帝将一把尚方宝剑赠畀某个功劳大过天嘅开国功臣嘅古仔,嗰把尚方宝剑,係可以“上斩昏君下斩谗臣”嘅。但係,如果嗰个开国功臣嘅后代(太子党)揸住呢把尚方宝剑去为非作歹,噉点算呢?冇人敢掂佢嘎噃。所以,好似噉嘅特权,一般係只能够传畀第一代嘅。所以,孔Sir认为,鲁国国君主持“禘祭”,就有啲越礼嘞(僭越)。但国君越礼,毕竟都係“可忍”嘅,不过按照规定,喺“禘祭”上边,主持人亲自行“灌礼”之后,后边啲仪式,就由其他人代行嘞。咩人啊?咪就係我哋讲过嘅“三家”嘞。由嗰啲经常越礼嘅人嚟主持“禘祭”,孔Sir梗係“冇眼睇”嘞,佢讲过,“是可忍孰不可忍”、“非礼勿视”吖嘛。
    亦都係因为噉,所以当有人问阿孔Sir关于“禘祭”嘅具体情况嘅时候,佢就诈傻扮懵话佢唔知嘞。
    孔Sir係“十世可知”嘅人,佢啱先讲到“自既灌而往者”点点点,依家又话佢唔知,信佢至奇嘞。为咗掩饰自己“知之为不知”,孔Sir就解释嘞,知嘅人,对于治理天下,都係“了如指掌”嘎。点解噉讲?因为禘祭礼係由氏族时代嘅巫术活动演变过嚟嘅,禘祭嘅目的,就係要利用神道嘅力量嚟令到四时安顺、天下安服嘞。嗰阵时啲统治者统治老百姓,唔係靠啲咩主义,而係靠神嘅意旨嘎。所以,对禘祭好熟嘅人,治理天下梗冇问题嘞。
    嗱,噉讲嚟讲去,我哋得到嘅印象係咩?就係孔Sir係一个治理天下易如反掌嘅人嘞。

  评论这张
 
阅读(170)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017