注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·13 获罪于天(栋笃论语·八佾第三)  

2007-04-06 21:42:46|  分类: 乱弹论语 |  标签: |举报 |字号 订阅

  下载LOFTER 我的照片书  |
  【原文王孙贾问曰:“‘与其媚于奥,宁媚于灶’,何谓也?”子曰:“不然,获罪于天,无所祷也。”
  【译文】奥,本来係指一间屋嘅西南角,古人认为家神就喺“奥”呢个位置,所以呢个“奥”,讲嘅係家神;灶,係灶神;媚,献媚噉解。
  王孙贾问阿孔子话:“俗话讲,‘与其媚于奥,宁媚于灶’,係咩意思嚟嘎?”孔子话:“呢句话係唔啱嘅,你如果得罪咗个天,去边度祷告都冇用嘎。”
  【栋笃】王孙贾,係卫国掌权嘅大臣,孔Sir周游去到卫国嘅时候,佢就同孔Sir请教有关祭礼嘅问题。“与其媚于奥,宁媚于灶”係当时民间嘅一句俗语,意思係话,同奥神擦鞋,仲不如同灶神擦鞋添。点解噉讲?嗱,中国人信神,不嬲都係讲实用嘅。奥神,即係家神,本来地位就大过灶神嘅,但係因为灶神可以上天去汇报一家人做咗咩好事衰事,呢家人出年嘅祸福,就靠晒灶神一把口嘞。所以民间就话,“与其媚于奥,宁媚于灶”——“官大不如管大”吖嘛。王孙贾特登噉问,其实都係暗示孔Sir要“媚”佢,因为佢就好似灶神噉,随时可以喺卫国国君面前唱好你或者唱衰你。
  但係,孔Sir就认为噉样谂唔妥嘞。因为,话之佢係咩神,都係大唔过天嘎。有一句话,叫做:“你可以骗一个人于永远,也可以骗全部人于一时,但你不可能骗所有人于永远。”你做咗衰嘢,灶神可能因为得到你嘅“媚”,帮你瞒住,但係,你冇可能永远呃到个天嘎,总有一日,个天会知道晒,到咗嗰时,你得罪咗个天,阴公嘞,你求边个神都冇用嘎嘞。
  上一Part,孔Sir讲嘅係拜神唔可以形式主义,呢一Part佢又讲,拜神更加唔可以实用主义。举头三尺有神明,呢个“神明”,就係“天”,就係“天理”。佢暗示好似王孙贾噉嘅权臣,千祈唔可以触犯天理啊,唔係嘅话,就“千祈()”都冇人救得到你嘞。
  讲返当今社会,冇几耐之前媒体啱啱声讨过嘅官场“秘书现象”,就係“与其媚于奥,宁媚于灶”嘅现代版嘞。一般人想见到啲高官,仲难过登天。所以,高官嘅秘书,就好似灶王爷噉嘞。你谂住求边个官为你办事,最着数嘅,就係“媚于秘”嘞。搞掂咗秘书,就等于搞掂咗个官,所以,“与其媚于官,宁媚于秘”,係珍珠都冇咁真嘅真理嚟嘎。但係,如果喺一个民主法制嘅社会,“与其媚于官,宁媚于灶”係唔得嘎,因为,“获罪于法,无所祷”吖嘛。  (插图:老饼)
  评论这张
 
阅读(154)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017