注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·12 祭如在(栋笃论语·八佾第三)  

2007-04-05 01:07:46|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文祭如在,祭神如神在。子曰:“吾不与祭,如不祭。”

  【译文】拜祖先,就好似祖先喺面前一样;拜鬼神,就好似鬼神喺面前一样。孔子话:“我如果唔参加拜祭,就好似拜祭冇举行一样。”

  【栋笃】首先讲“如在”嘅“如”字。因为呢一个字係可以睇出孔Sir嘅鬼神观嘅。点解要讲“如在”?因为喺孔Sir嘅心目入边,死去嘅祖先又好,鬼神又好,係唔存在嘅——好简单,如果孔Sir相信有鬼神嘅话,使乜讲“如”啊?呢个意思,我哋以后讲“敬鬼神而远之”嘅时候,仲要讲到。
  不过,可能有人会问嘞,既然孔Sir唔信鬼神,佢点解好重视呢个“祭”啊?
  噉就係“礼”嘅问题嘞。孔Sir嘅学生曾子亦都讲过,“慎终追远”,係可以令到“民德归厚”嘅(1·9)。拜祭礼有咁大嘅作用,孔Sir梗係要重视嘞。
  以前有一句说话,叫“态度决定一切”,即係每一个人喺做嘢嘅时候,内心抱住点样嘅态度,係可以决定事情嘅成败嘎。呢一句“祭如在,祭神如神在”,讲嘅亦都係“态度”嘅问题,又唔单止係态度问题。因为孔Sir多次讲过,礼,係要发自内心先至有意义嘅。内心冇咗恭敬,就係唔诚心,拜祭礼就变成一场Show,失去咗存在嘅价值。统治者係噉嘅话,民众就会有样学样,民德,就冇办法“归厚”嘞。同样嘅道理,佢亦都话,喺拜祭嘅时候,如果自己冇参加,而係请人代替,噉就等于冇拜过嘞。呢啲,係态度问题,更加係“仁先礼后”嘅问题。
  依家潮流兴国学,地方性或者国家级嘅“祭黄”、“祭孔”礼每年都搞到好大阵仗。但係,使咗噉多钱之后,总係畀人一种形式主义嘅感觉。嗰啲策划嘅、出钱嘅、着住啲所谓嘅“汉服”去拜祭嘅人入边,有几个係真正因为尊敬黄帝、孔子而诚心行礼?又有几个可以真正做到“祭如在”?恐怕係有不可告人嘅目的、成日谂住咩“儒教”嘅“教产”、整色整水嘅人多。噉样打住祭孔嘅旗号,做违反孔子教诲嘅事,真係够晒黑色幽默嘞。  (插图:老饼)

  评论这张
 
阅读(187)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017