注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·5 夷狄之有君(栋笃论语·八佾第三)  

2007-03-27 22:37:48|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“夷狄之有君,不如诸夏之亡也。”

  【译文】夷狄,古代中原地区嘅人对周边地区嘅贬称;诸夏,古代中原地区华夏族嘅自称;亡,通“无”。
  孔子话:“文化落后嘅夷狄虽然有君主,都不如冇君主嘅中原诸国。”

  【栋笃】讲一个古仔先:话说喺1729年,清乾隆五十七年,英国为咗同中国通商,就派马戛尔尼带咗一个七百人嘅商队嚟北京求见乾隆。啱开始,乾隆以为佢哋係要嚟同佢祝寿嘅,就好鬼开心嘞。点知,等到马戛尔尼嚟咗上朝嗰阵,点都唔肯行三跪九叩嘅大礼,乾隆就嬲到爆噉话:“朕心实为不惬……此等无知外夷……不值加以优礼。”“皇帝生气了,后果很严重”,英使通商嘅目的达唔到,面懵懵噉返英国。过咗廿几年,1816年,英国唔死心,又派亚墨哈斯嚟中国倾通商嘅事。当时係乾隆个仔嘉庆做皇帝,亚墨哈斯到咗北京,同样係因为唔肯行跪拜礼,呢次外交再一次失败。从此之后,清政府唔再允许外国使臣嚟北京,通商之路,就完全行唔通嘞。当时,嘉庆就好“掹挣”噉话:“蕞尔小邦,何得中国并论!”
  中国中国,中心之国。自古以来,都係天朝大国嚟嘎,点可以同你哋“夷狄之邦”倾咩通商啊?但係大佬,人哋係当时世界头号强国嚟嘎,你仲要用啲“夷夏之防”嘅旧眼光嚟睇新问题,点得啊?人哋想正规通商,你拒绝咗,噉佢哋就走私鸦片打横嚟嘞。又过咗廿几年,1840年,大家都知嘞,鸦片战争一开始,“天朝大国”卒之衰喺“蕞尔小国”手上,咩唔平等条约都签咗,依家通唔通商、点样通商,就唔係你话事嘞。
  中国人“夷夏之防”嘅源头,就係儒家思想嘞。本来,喺当时,“君”係一国之主,冇咗係唔掂嘎。但係你睇孔Sir话,啲夷狄咁落后,有国君又点啊?我哋诸夏即使冇咗国君,都要胜过佢哋好多。点解?因为“诸夏”有礼、有乐、有孔Sir吖嘛,几千年文明古国嚟嘎噃,吓都吓死你嘞。就係抱住噉嘅思想,中国人唯我独尊咗两千年,直到畀啲“蕞尔小邦”打到几乎亡国,先至有人谂起,应该向“夷狄”学习。但係,世事就係咁“黑色幽默”嘎嘞:夷狄之所以变得咁强大,一个好重要嘅原因,就係佢哋实行咗“冇君”或者“虚君”嘅民主制度,顺应历史发展嘅潮流,国力自然就会强大起身。呢百几年嚟,我哋学嚟学去搞搞阵,就係畀“有君”或者“实君”制度阻住晒。所以,孔Sir呢句话,依家应该噉讲至啱:“华夏之有君,不如夷狄之亡也。”

  评论这张
 
阅读(143)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017