注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·4 礼之本(栋笃论语·八佾第三)  

2007-03-26 23:37:48|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文林放问礼之本。子曰:“大哉问!礼,与其奢也,宁俭;丧,与其易也,宁戚。”

  【译文】阿林放问咩係礼嘅根本,孔子就话:“问得好啊呢个问题!礼呢,与其奢侈,就不如简单啲;丧事呢,与其搞大阵仗,不如内心真正噉悲伤。”

  【栋笃】嗱,林放呢个人,佢虽然唔係孔Sir嘅学生,历史上净係知道佢係鲁国人,但係就因为问过噉嘅问题,孔Sir唔单止即刻赞佢问得好,后嚟仲感叹话,“曾谓泰山不如林放乎?”睇起嚟,想得到教授嘅钟意,喺公众场合问啱问题,比咩都重要。咁点解林同学呢个问题会问对路呢?嗱,我哋上次讲过,喺当时嘅鲁国,朝政係由三家大夫话事嘎,佢哋为咗显示自己嘅权势,就不停噉喺一啲礼节上边搞大阵仗,比如“八佾舞于庭”、“以《雍》彻”、“旅于泰山”等等呢啲“是可忍孰不可忍”嘅事,直情比国君仲国君。孔Sir梗係睇唔过眼嘞,又理唔到佢哋,一有机会就要闹下、单打下嘞。因为孔Sir认为,噉样嘅行为,唔单止係“非分”,仲完全违反咗“礼之本”添。
    噉究竟咩係礼之本啊?其实我哋估都估得到,就係“仁”嘞。上一Part佢啱啱讲过,“人而不仁,如礼何”;仲有,就係“孝悌係为仁之本”嘞。因为春秋时期好多礼节嘅嘢,其实都係同“慎终追远”有关嘎,噉样嘅话,喺行礼嘅时候,内心嘅忠敬或者悲哀,就要比形式上嘅嘢重要得多嘞。
    但係,中国人话晒都係要面嘅,所以,呢两千年嚟,形式主义真係害死咗唔少人。喺光绪十四年,慈禧太后为咗自己嘅“六十寿礼”,不惜挪用成千万两白银海军军费去起颐和园,引致甲午海战惨败。佢仲唔知丑噉话,佢嘅寿礼,係关乎国体嘅,所以“宁奢毋俭”。咪话咁远,喺依家嘅农村,仲有唔少做仔女嘅,平时冇尽到养老嘅责任,但係对“送终”就“情有独钟”,搞大阵仗,嘥埋啲噉嘅钱,做畀人睇,完全违反咗“与其易也,宁戚”嘅儒家教诲,亡灵若果地下有知,唔闹佢哋就算嘞,点可能保佑佢哋呢?  (插图:老饼)

  评论这张
 
阅读(172)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017