注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·3 人而不仁(栋笃论语·八佾第三)  

2007-03-22 14:47:48|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“人而不仁,如礼何?人而不仁,如乐何?”

  【译文】孔子话:“一个人如果冇仁德,识礼又有咩用呢?一个人如果冇仁德,懂乐又有咩用呢?”

  【栋笃】嗱,“人而不仁”,听起身呢,就好似“人唔似人鬼唔似鬼”噉。其实,阿孔Sir讲嘅,差唔多都係噉嘅意思。点?你话呢,人类同其他动物有咩区别?梗係嘞,人类有思想吖嘛,而且,人类嘅一切行为,都係喺思想嘅支配下进行嘎。而孔Sir就认为,仁,係人类思想入边最内在、最根本嘅嘢嚟嘎,就好似身体器官入边嘅心脏,卟卟声噉跳,将啲血输送到全身,身体先至有生命力。而嗰啲礼、乐等等嘅嘢,冚棒唥都係“仁”嘅外在表现,“仁”就係一切思想行为嘅动力,冇咗呢个动力,思想、行为就会乱晒龙,噉肯定就“人唔似人”嘞。
    所以,孔Sir呢一句讲嘅,係要大家注重内心嘅修为先,唔可以舍本逐末,太过执着于礼、乐呢啲形式主义嘅嘢。内心冇仁,你点样讲礼、制乐,都係冇用嘎。唔单止冇用,甚至乎会害人害己添。
    比如,大家如果睇过二战嘅电影嘅话,肯定对德国嘅盖世太保有好深嘅印象。盖世太保係纳粹嘅秘密警察,可以讲係坏事做尽、杀人唔眨眼嘅“不仁”之人,但係,偏偏佢哋每一位,都係知书达礼、文质彬彬嘅人,你睇佢哋去捉人,一啲都唔会粗暴嘎,而係好有礼貌噉敲门先,然后入屋,除帽、微笑、行礼,如果你屋企啱啱好有架钢琴,噉呢个盖世太保就会行过去,问一声“我可唔可以弹下琴啊”,然后就坐低,跟住,一首好听嘅贝多芬或者莫扎特,就会喺佢嘅手指下优雅噉弹出嚟。弹完之后,你就会乖乖跟佢走嘞——去边?梗係入毒气室然后係焚尸炉嘞,仲使问?你话,咁样识礼又懂乐嘅“盖世差佬”,係咪比嗰啲简单粗暴嘅红卫兵更加阴森恐怖啊?但係,喺上世纪末嘅中国,偏偏有一啲所谓嘅“美女作家”,公开宣布话,盖世太保就係佢哋性幻想嘅对象,言下之意即係,如果可以畀盖世太保咩咩,噉人生就咩咩嘞——简直就不知耻辱为何物!呢啲人,係最需要学下《论语》嘎。
    除咗盖世太保,我哋再谂下,边个国家嘅人礼节最多啊?梗係日本嘞。喺二战时期,佢哋嘅天皇,仲叫“裕仁”添——即係“仁”多到爆棚嘞。但係,就喺“裕仁”时期,最“有礼”嘅日本人创造咗人类历史上几多“不仁”嘅纪录——既然有人渴望献身畀盖世太保,依家,会唔会仲有人羡慕啲慰安妇,可以献身畀“皇军”啊?咪话我乱噏廿四吖,谂下啲狂热嘅“哈日族”就知嘞。

  评论这张
 
阅读(165)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017