注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

3·1.2.6 是可忍孰不可忍(栋笃论语·八佾第三)  

2007-03-21 00:22:48|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文3·1 孔子谓季氏:“八佾舞于庭,是可忍也,孰不可忍也?”
  3·2 三家者以《雍》彻。子曰:“‘相维辟公,天子穆穆’,奚取于三家之堂?”
  3·6 季氏旅于泰山,子谓冉有曰:“女(汝)弗能救与?”对曰:“不能。”子曰:“呜乎!曾谓泰山不如林放乎?”

  【译文】季氏、三家:“三家”即係当时鲁国实际掌权嘅三家大夫,分别係孟孙氏、叔孙氏、季孙氏,佢哋把持朝政,将国君鲁哀公撇埋一边。“季氏”就係其中嘅一家,上次问过孔子如何“使民敬、忠以劝”嘅嗰个季康子,就係季孙氏嘅人;佾(音yed6,日),係跳舞嘅行列,每列八个人;《雍》,係《诗经·周颂》入边嘅一篇,係周天子祭祖嗰阵先至可以演奏嘎;旅,係拜山嘅典礼,都係国君先至有资格做嘅事;冉有,孔子嘅学生;林放,一个同孔子问过礼嘅鲁国人。
  3·1 孔子倾到季氏,就噉话:“佢竟然喺自己嘅庭院入边表演八佾嘅舞蹈,噉都忍心做得,仲有咩唔忍心做嘎?”
  3·2 孟孙、叔孙、季孙三家人祭祖嘅时候,最后係唱住《雍》嚟收场嘅。孔子就话:“《雍》入边唱嘅係:‘诸侯都嚟助祭,天子庄严肃穆’,噉样嘅歌词点可以喺嗰三家嘅庙堂入边用呢?”
  3·6 季氏去拜泰山,孔子就问阿冉有话:“你唔可以阻止佢咩?”冉有话:“唔得噃。”孔子话:“唉,谂唔到泰山神仲唔够阿林放识礼添啊!”

  【栋笃】《论语》嘅第三篇,孔Sir讲嘅,主要係“礼制”嘅问题。佢认为,君就係君臣就係臣,做臣子嘅要守本分,唔应该你做嘅就唔可以做,唔係嘅话就係“僭越”。今次点解要将呢三章摆埋一齐讲?就係因为佢哋讲嘅都係同一个意思:三家僭越。我哋讲过,喺当时,鲁国嘅朝政唔喺国君手里边,而掌握喺三家大夫手中。有权大晒,所以三家大夫就经常做啲过分嘅事,比如,“八佾舞”、“以《雍》彻”、“旅于泰山”等等,呢啲都係天子或者诸侯先至有资格做嘅事,而季氏呢三家冚棒唥做晒,孔Sir就嬲到爆嘞,认为佢哋连噉嘅事都做得出嚟,仲有咩做唔出啊?言下之意,即係话,佢哋以后“篡党夺权”都唔出奇嘞。
  但係,孔Sir又係冇权力嘅人,见到噉“非礼”嘅事,自己冇能力阻止到,只好喺学生面前发下烂渣,吟吟寻寻,怪下学生,甚至乎怪山神唔识礼,接受季氏嘅祭礼,实係好无奈添。卒之佢实在睇唔过眼,只好离开鲁国去周游列国,揾啲识礼嘅国君。
  讲到呢度,我谂起咗2004年,《重庆时报》爆出一条新闻:重庆市忠县黄金镇,借钱新修咗一栋镇政府,使咗四百几万,外观简直就同天安门一模一样;更犀利嘅係,旧年5月底,喺网上流传一幅相:河南郑州惠济区揼咗几亿落去,将个区政府起到好似“白宫”噉,引致新华社发咗一篇《区政府“白宫”缘何成“迷宫”》嘅调查报告……比起孔Sir讲嘅嗰几单“非礼”,好似呢类噉嘅权力膨胀、劳民伤财嘅行为,先至係“是可忍孰不可忍也”!  (插图:老饼)

  评论这张
 
阅读(236)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017