注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·23 虽百世,可知也(栋笃论语·为政第二)  

2007-03-15 23:11:48|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子张问:“十世可知也?”子曰:“殷因于夏礼,所损益可知也;周因于殷礼,所损益可知也。其或继周者,虽百世,可知也。”

  【译文】子张问:“以后十代嘅事,可唔可以预知嘎?”孔子话:“商朝继承咗夏朝嘅礼仪制度,其中多咗啲乜,少咗啲乜,係可以知道嘎;周朝又继承咗商朝嘅礼仪制度,所废除嘅嘢、加多嘅嘢,亦都係可以知道嘎。所以,将来若果有继承周朝嘅,即使係一百代以后嘅情况,亦都係可以知道嘎。”

  【栋笃】呢段话,有啲难以理解。可能係因为子张问嘅、孔Sir答嘅,係关于国体、国制嘅大事,唔係我哋听咗好多堂嘅自我修养问题嘞。子张同学可能毕业之后唔考研,谂住考公务员,所以对政治课感兴趣多啲,上次问咗求官保官嘅秘笈,今次又问以后十代国家嘅体制问题。点解佢要噉问?就因为我哋讲过,春秋时期,对于儒家嚟讲,係一个“礼崩乐坏”嘅时代,子张同学係一个未毕业就喺政治上“向组织靠拢”嘅同学,佢梗要关心以后嘅政局係继续乱晒大龙,定係大乱之后有大治啦。孔Sir呢?佢一路哀叹“礼崩乐坏”,一路又抱住乐观嘅历史观,因为佢都知,历史係一块镜,了解过去,係可以预知未来嘎。夏商周三代嘅交替,可以睇到,喺礼制方面,都係对前朝有所保留、又有所改革嘎,照噉样嘅历史规律,以后继承周朝嘅亦都会係噉,十代百代,都係可以预知嘎。
  但係,孔Sir断估唔到,差唔多过咗“十世”(300年),秦始皇统一咗六国之后就颠覆晒周制,以郡县制取代咗封建制,仲焚书坑儒添。以后,虽然朝代不停噉变,秦始皇制定嘅专制制度就流传咗成两千年,连毛泽东都要话“百代皆行秦政制”(《七律·读〈封建论〉呈郭老》)。孔Sir更加谂唔到嘅係,简直就係“天定”嘅“君君臣臣”嘅皇权制度,会喺两千年后畀人推翻咗,虽然有人以各种形式复辟,亦都挡唔住浩浩荡荡嘅世界民主潮流。
  谂到呢度,我都想讲一声:“丘,诲女知之乎?知之为知之,不知为不知,是知也!”  (插图:老饼

  评论这张
 
阅读(348)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017