注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·21 子奚不为政(栋笃论语·为政第二)  

2007-03-13 20:41:48|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文】或谓孔子曰:“子奚不为政?”子曰:“《书》云:‘孝乎惟孝,友于兄弟,施于有政。’是亦为政,奚其为为政?”

  【译文】或,有人;奚,点解嘅意思;《书》,即係《尚书》;施,推广噉解。
  有人问孔子话:“先生你点解唔去从政做官啊?”孔子话:“《尚书》入边噉讲:‘孝道啊,只要照孝道去做,又能够对兄弟友爱,再将孝悌嘅思想推广到政治。’噉亦都係从政噃,点解一定要做官先至係从政呢?”

  【栋笃】嗱,喺孔Sir面前问佢点解唔去做官,直情就係“哪壶不开提哪壶”嘞。边个话孔Sir“不为政”啊?佢不嬲都好想做官从政咖,可惜个天唔开眼,我哋讲过,孔Sir周游列国揾从政嘅机会,几乎都一无所得,仲差啲饿死,直头黑到痹。知道咗佢嘅情况,仲要噉样嚟问佢,大佬,“做人要厚道”啊!计我话,你可能同我一样,睇到阿孔Sir成日喺度教人点“道千乘之国”,点“学干禄”,又教“何为则民服”,口水花喷喷噉,自己又做唔到官,就谂住单打下佢,打击佢嘅自尊心。之不过,人哋阿Sir係一个君子嚟咖,“人不知,而不愠”,唔单止唔嬲,仲好心同你讲道理,教识你咩係“为政”添,同时又畀级楼梯自己落。
  但係,讲嚟讲去,都係嗰几味,搞唔出新意思。“孝悌係为仁之本”,要推行仁政,就要从孝悌开始。所以,只要你平时讲孝悌,噉就已经係“为政”嘞,点解係都要做官至得呢?噉讲,逻辑就简单,可惜就有啲“死鸡撑饭盖”嘞。但係,谂起依家好兴嘅一句说话,“也许你不关心政治,但政治却要关心你”,我哋又觉得,其实孔Sir嘅话係好有预言色彩咖。点解?就因为每一个现代嘅公民,都係要对政治负责咖,政治,都係有“蝴蝶效应”咖,你唔经唔觉之间,一次横穿马路、一次冇带暂住证出街或者发一条自编嘅短信,都有可能引发一场政治大风暴咖,你话係咪?“是亦为政,奚其为为政?”  (插图:老饼

  评论这张
 
阅读(173)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017