注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·20 使民敬、忠以劝(栋笃论语·为政第二)  

2007-03-12 23:22:48|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文季康子问:“使民敬、忠以劝,如之何?”子曰:“临之以庄,则敬;孝慈,则忠;举善而教不能,则劝。”

  【译文】季康子,鲁哀公嘅时候担任正卿嘅人,係当时最有权势嘅人物。
  季康子问:“要使老百姓对统治者能够尊敬、忠诚同埋勤力做嘢,点做至得?”孔子话:“用庄重嘅态度对待老百姓,佢哋就会尊敬你;孝顺父母、爱护子弟,老百姓就会忠于你;选用又好又叻嘅人,教育嗰啲能力差嘅人,老百姓自然就会勤力做嘢嘞。”

  【栋笃】上一part,鲁哀公问点样先至可以令到老百姓服从统治,呢一part,当时嘅实际统治者之一季康子嘅胃口更大,要老百姓够晒尊敬、忠心、勤力,而孔sir开嘅处方,换汤唔换药,不嬲都係嗰几味:庄重、孝慈、举善,今次仲多咗少少新意思,就係“教不能”。往好嘅方面谂,就係孔sir希望啲统治者自己生生性性,老百姓自然就会有样学样。其中嘅“临之以庄”,就係《1·5 道千乘之国》入边讲嘅“敬事而言”,“孝慈,则忠”,同1·2中嘅“其为人也孝弟,而好犯上者,鲜矣”係同一个道理;“举善”,即係上一part佢同鲁哀公讲过嘅“举直错诸枉”。喺《论语》入边,好似噉样重复再重复嘅说话仲有好多。
  有人可能会同我一样,觉得孔sir噉样嘅说话又天真又长气,但係,谂深一层,我哋就可以发现,孔sir其实係几精咖。点解?就係喺“教不能”呢三个字里面嘞。鲁哀公係国君,问点样先至可以令到“民服”,孔sir就话要“举直”,咩人先係“直”?仲使谂咩,梗係以佢为首嘅儒家子弟嘞,言下之意,不讲自明。而季康子係当时掌握实权嘅三大夫之一,孔sir特登话畀佢知,要民众勤力,除咗“举善”之外,仲要“教不能”——噉咩人最适合“教不能”啊?梗係孔sir嘞,唔通要啲统治者自己去企讲台咩?
  所以,上一part喺鲁哀公面前,孔sir求官;呢次喺权臣面前,佢係求职;噉如果官职都求唔到,孔sir又会点啊?噉就“请听下回分解”嘞:)

  评论这张
 
阅读(113)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017