注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·17 知之为知之(栋笃论语·为政第二)  

2007-03-07 22:16:49|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“由,诲女知之乎?知之为知之,不知为不知,是知也。”

  【译文】由,係孔sir嘅学生,姓仲名由,字子路。女,同“汝”,“你”嘅意思;“是知也”嗰个“知”,智慧噉解。
  孔子话:“阿由啊,我教畀你嘅,你识晒未?识就係识,唔识就唔识,噉先至係真正嘅智慧。”

  【栋笃】喺明朝一个叫江盈科嘅人所著嘅《缘箩山人集》入边,讲咗一个《北人食菱》嘅古仔:有一个自细唔知菱角係乜东东嘅北方人嚟到南方做官。有一次大排筵席嘅时候,佢食菱角,连啲壳都食埋。有人就同佢讲:“菱角要搣咗壳先至食得噶。”佢即刻话:“我梗係知嘞。连埋壳一齐食,可以清热之嘛。”嗰人就问佢:“北方亦都有菱角咩?”佢就话:“梗係嘞,山前山后,边度都有噶!”
  嗱,呢啲就叫做“不懂装懂”嘞。俗话讲,人贵有自知之明——呢个“明”,就係“知()”、聪明嘅意思;点解自知之明係“贵”呢?嗱,冇听过“物以稀为贵”咩?人都係噉噶。孔sir呢句教诲讲咗两千年,真正“知之为知之,不知为不知”嘅人,仲係少之又少。所以,再过两千年,如果人类仲有命嘅话,呢句话都係真理嚟噶。你话点解?因为受时间、精力嘅限制,人嘅认知能力係有限嘅,而知识係无限嘅。喺呢个知识爆炸嘅时代,咪讲係个人,就係全人类所有嘅知识加埋,都解决唔到所有嘅未知问题。认识到人力嘅极限,就唔会因为自己嘅无知而感到耻辱,更加唔会为咗掩饰无知而去做一啲更加无知嘅事(就好似嗰个“北人”)。《庄子·天地篇》入边讲到:“知其愚者,非大愚也;知其惑者,非大惑也。”《圣经》入边亦讲:“是就说是,不是就说不是,否则你们将被审判。”虽然呢句话好得人惊,其实讲嘅都係人要有自知之明嘅意思(即係孔sir讲过嘅“知天命”)。
  但係,承认“学海无涯”,唔等于就要“回头是岸”,而係要“苦作舟”——有咗“勤力”呢只船,虽然都係达唔到知识嘅“彼岸”,亦都可以喺“无涯”嘅“学海”入边乘风破浪,自由遨翔。唔係嘅话,就只能够企喺海边“望洋兴叹”,享受唔到畅游知识海洋嘅快感,或者自甘沉溺,活在社会嘅最底层嘞。
  呢啲,就係《论语》嘅积极意义。  (插图:老饼

  评论这张
 
阅读(211)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017