注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·10 人焉廋哉  

2007-02-26 22:12:49|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“视其所以,观其所由,察其所安,人焉廋哉?人焉廋哉?”

  【译文】所以:做过嘅嘢;所由:行过嘅路;所安:心境,即係心所寄托嘅地方;廋(音seo1收):匿埋嘅意思。
  孔子话:“想了解一个人,就要睇佢嘅所作所为,观察佢行过嘅路,研究佢有咩志向、有何居心,噉嘅话,佢仲可以匿去边呢?佢仲可以匿去边呢?”

  【栋笃】哇,孔sir认真犀利嘞!唔单止识得治国、做得阿sir,仲识得做私家侦探添!了解一个人,睇佢做紧乜,观察佢行过乜嘢路,研究佢嘅心境、志向等等,噉呢个人仲匿得去边?仲匿得去边啊?哇,连讲两句,直情係“我确定一定以及肯定”嘞。就凭呢句话,啲私家侦探唔尊佢为祖师爷都唔係路啦!
  ……咪住咪住,听我讲完再郁手得唔得啊大佬?係,我头先係讲笑啫,孔sir讲嘅唔係咩做侦探,佢讲嘅,係点样了解一个人啊。係噃,网上有一句说话,叫做“别以为穿上马甲我就不认得你了”,讲嘅都係同一个意思。人,係社会动物嚟噶,喺呢个世上生活,讲咩嘢做乜嘢,选择点样嘅人生道路,众目睽睽,係呃唔到人噶。另一句好出名嘅话讲:“你可以呃全部人于一时,亦都可以呃某个人于永远,但你唔可以永远都呃晒全部人。”噉点解有好多人得唔到人哋嘅了解,日日喺度哀叹怀才不遇呢?大佬,好心你畀个理由嚟啦,人哋点解要去了解你啊?咪就係咯,关键係人哋有冇了解你嘅必要。
  话时话,孔sir呢三招“知人秘笈”,做起嚟,都係从易到难噶。“视其所以”就容易啲嘞,十几亿人噃,“人民群众的眼睛是雪亮的”未听过咩?你喺屋企“拉埋天窗”睇A片,都会畀差佬拉到;你匿埋喺深山随地大小便,亦都会畀google嘅卫星地图影到,“欲使人不知,除非己莫为”啊。“观其所由”,就要晒啲时间,由佢自细有冇偷睇佢阿嫂冲凉调查起,咩政审啊、民调啊、调档啊,好鬼烦噶。不过,只要有必要,有耐心,亦都唔係好难。西谚话“仆人眼里无英雄”,讲嘅就係咩人都经唔起长时间嘅“观其所由”,任你不可一世,你朝朝起身唔刷牙,成日臭嘴讲大话,算咩“英雄”啊:)最难嘅,就係“察其所安”——即係读心术嘞。知人口面不知心,睇一个人有咩居心,係要经过好长时间嘅“视其所以,观其所由”,再将所有资讯摆埋一齐研究先得噶。“路遥知马力,日久见人心”,“遥”同“久”,都係必要嘅客观条件。点解大部分一见钟情嘅爱情都唔长久?就係因为噉嘞。
  呢三招练熟咗,就可以行走江湖,识人心捞世界嘞,做到噉嘅人,简直就唔係人,係神,比如福尔摩斯。当然,依家资讯发达,唔使咩神,一个县级嘅国家机关就做得到嘞。唔信,你攞人哋部手机匿名发条讽刺县太爷嘅短信试下?三日之内,唔诛你九族,就係皇恩浩荡嘞。

  评论这张
 
阅读(199)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017