注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·13 先行其言而后从之(栋笃论语·为政第二)  

2007-03-01 21:51:49|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子贡问君子。子曰:“先行其言而后从之。”

  【译文】子贡问,点样先至可以做到君子啊?孔子话:“对于你想讲嘅嘢,先行动,再出声。”

  【栋笃】有一个笑话係噉讲嘅:仔问老窦,点样叫“诚信”?老窦话,诚信就係“有诺必践”——讲到做到噉解。个仔又问,噉点样叫“聪明”?老窦就话,聪明就係唔随便许诺嘞。
  谂起身,孔sir就有啲似上边呢个“聪明”嘅老窦嘞。不过,佢同子贡讲呢句话,係因材施教噶——子贡本身係一个能言善辩嘅人,孔sir惊佢口花花讲大话,就特登讲呢句说话,要佢凡事做完先讲,费事畀人一个冇口齿嘅印象。
  知易就行难。关于呢个“行”同“言”,其实有四种境界:
  一、言而不行——即係讲到做唔到。呢种人,喺边个社会都係最多噶。虽然唔可以冚棒唥都叫佢哋係“小人”,有啲人确实係因为能力有限,唔係有心欺骗,但唔理係点,呢种人,去到边都乞人憎噶。
  二、言出后行——即係讲到做到。孔sir嘅学生曾子就係噉嘅人:有一次,曾太要去街,个仔嘈住要跟埋去。曾太就凼个仔话:“你唔好跟住,喺屋企等我返嚟,我就劏猪炖肉畀你食。”冇几耐曾太返嚟,曾子即刻攞把刀要去劏猪,曾太就话:“你黐线噶?我头先同佢讲笑之嘛。”曾子话:“细路仔唔懂事,对父母係有样学样,今日你呃佢,即係教佢呃人,以后佢又点会信你?”讲完,曾子就劏咗猪畀个仔食。
  三、行而后言——就係孔sir讲嘅“先行其言而后从之”,做咗先讲。比如,大家都好熟悉嘅雷锋叔叔就係一个噉嘅人嘞。雷叔叔短短一生做咗无数件好事,每一件都係做完之后先至记低喺日记度噶;仲有嗰啲周游全国嘅英模报告团,都係“行而后言”嘅君子添。噉梗係嘞,有啲“行而后言”嘅人,係唔算君子嘅,比如,“杀人者武松也”;比如,“王七到此一游”;再比如,“我自首,我对不起党和人民的培养”……
  四、行而不言——即係做咗唔讲。按照孔sir嘅逻辑,呢啲先至係君子中嘅君子。古代有冇噉嘅人?梗係有嘞,佢哋为人低调,默默奉献,唔识写咩“人生自古谁无死”,更加唔识写咩“先天下之忧而忧”,所以——所以我哋梗係唔知边位就係嘞。今时今日,噉样嘅人亦都係有嘅,就係嗰啲靠自己嘅合法收入匿名捐款嘅慈善家嘞。噉孔sir点解唔讲“先行而后不言”先至係君子?就係因为噉样嘅君子太难做到,社会影响又细嘅原因嘞。你谂,如果雷叔叔做咗好事唔写日记,噉我哋咪损失好大?
  咩啊?你话仲有第五种?吖,係“不言不行”啊?喔,呢种都係有,不过佢哋就唔係君子,亦都唔係小人,而係——植物人。  (插图:老饼)

  评论这张
 
阅读(324)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017