注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

余少镭:现代聊斋

筚路蓝缕,啸聚山林

 
 
 

日志

 
 
关于我

余少镭

毕业于广东省饶平师范学校(中师),现为《南方都市报》文化副刊部编辑、记者、专栏写手。

网易考拉推荐

2·12 君子不器(栋笃论语·为政第二)  

2007-02-28 23:46:49|  分类: 乱弹论语 |  标签: |举报 |字号 订阅

  下载LOFTER 我的照片书  |

  【原文子曰:“君子不器。”

  【译文】孔子话:“君子唔应该好似器具噉(只得一种用途)。”

  【栋笃】君子“不是东西”?直情废话嘞——有人可能会噉讲,唔通小人就“是东西”?其实唔理君子小人,都係人,人梗係“不是东西”嘞,使乜讲啊?不过,废话中有大道理。孔sir讲嘅“君子不器”,唔係“君子不是东西”,而係君子唔应该成为一件嘢,只得一种用途,除咗嗰种用途之外就冇乜用。
    点解要噉讲?因为孔sir心里面嘅君子,唔係一般人嚟噶,而係能够“修身、齐家、治国、平天下”嘅人物。要孭起咁大嘅责任,就要多才多艺,咩诗书礼乐、琴棋书画样样精通,仲要识得点样“道千乘之国”,仲要有外交才能,先至可以帮到啲君主,完成君子嘅历史使命。如果做唔到噉,净係局限于某一方面,就只能够做一个“器”,畀人利用,畀人领导,成唔到大气。
    到咗依家呢个多元化嘅社会,“君子不器”都係有现实嘅指导意义噶,而呢个“君子”,就唔单止係咩精英人物,而係讲全部人。科技日新月异,经济全球一体,政治多元博弈——全世界都成为一条高速运转嘅流水线,每个人,都係机器入边嘅一个零部件,甚至係以前成日讲嘅“一粒螺丝钉”、“一嚿砖”,人畀异化、畀物化,想“不器”都几难。如果大家睇过卓别林嗰部充满预言色彩嘅经典电影《摩登时代》,对大工业时代人係点样变成机器嘅,相信会有好深刻嘅印象。到咗沃卓斯基嘅《黑客帝国》,人就完全变成咗机器嘅“营养”、matrix嘅奴隶。
    除咗科技之外,经济、政治等等,都可以令到人自觉畀“器化”,成为经济链条或者国家机器嘅一个组成部分。
    噉样係咪好牙烟啊?冇错,因为唔理点样先进嘅机器,都有运转极限,超过呢个极限,机器就会出故障甚至报废。大机器冧咗,寄生于佢身上嘅小机器——芸芸众生,就会成为陪葬品。除非——除非点啊?除非“君子不器”,保持思想嘅生猛、灵魂嘅独立,争取成为左右机器运转嘅“脑”,或者成为“黑客帝国”嘅救世主。
    即係话,要“君子不器”,必先“成器”。

  评论这张
 
阅读(203)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017